Sadineni Nikhil Success Story: డాక్టర్‌ నుంచి డేటా సైన్స్‌ వైపు.. సీఐఎస్‌ 2025 ఫస్ట్‌ ర్యాంకర్!

Sakshi Education

సాక్షి, ఎడ్యుకేషన్‌: సాధారణంగా ఎంబీబీఎస్‌ పూర్తయిన తర్వాత పీజీ, సూపర్‌ స్పెషాలిటీ కోర్సులు చేసి మెడికల్‌ ఫీల్డ్‌లో కొనసాగడమే లక్ష్యం.

mbbs to data science ai topper nikhil success story

కానీ, మారుతున్న హెల్త్‌కేర్‌ రంగంలో ఆర్టిఫిషియల్‌ ఇంటెలిజెన్స్‌ (AI) ప్రాధాన్యత పెరుగుతోంది. ఎంబీబీఎస్‌+ఏఐ నైపుణ్యాలతో మెరుగైన భవిష్యత్తు సాధించవచ్చని భావించి, సాదినేని నిఖిల్‌ చౌదరి డేటా సైన్స్‌లోకి అడుగుపెట్టారు. గేట్‌–2025లో డేటా సైన్స్, AI పేపర్‌లో 96.33 మార్కులతో ఆల్‌ ఇండియా ఫస్ట్‌ ర్యాంకు సాధించి, అందరికీ ఆదర్శంగా నిలిచారు.

ఎయిమ్స్‌ నుంచి ఐఐటీ వరకు నిఖిల్‌ ప్రయాణం

పదో తరగతి: 9.8 జీపీఏ
ఇంటర్మీడియేట్‌: 986 మార్కులు
ఎయిమ్స్‌ ఎంట్రన్స్‌: 2017లో 22వ ర్యాంకు
నీట్‌ – 2017: 57వ ర్యాంకు
ఎయిమ్స్‌లో ఎంబీబీఎస్‌: 2017–2023
బీఎస్‌ డేటా సైన్స్‌ (ఐఐటీ – చెన్నై): 2024లో 9.95 జీపీఏ
గేట్‌ 2025: డేటా సైన్స్, ఏఐ పేపర్‌లో ఫస్ట్‌ ర్యాంక్‌

ఎంబీబీఎస్‌ తరువాత డేటా సైన్స్‌ ఎంపిక ఎలా?

నిఖిల్‌ ఎంబీబీఎస్‌ చేస్తున్నప్పుడే డేటా సైన్స్‌ హెల్త్‌కేర్‌లో కీలక పాత్ర పోషిస్తుందని గుర్తించారు. 2021–2024 మధ్య ఐఐటీ చెన్నై ద్వారా ఆన్‌లైన్‌లో బీఎస్‌ డేటా సైన్స్‌ కోర్సు పూర్తి చేశారు. ఈ కోర్సు ద్వారా గేట్‌–2025లో డేటా సైన్స్/AI పేపర్‌కు హాజరై ఫస్ట్‌ ర్యాంకు సాధించారు.

చదవండి: తత్వం బోధపడింది... గేట్ ర్యాంకు సొంతమైంది

హెల్త్‌కేర్‌లో ఏఐ భవిష్యత్తు:

మెడికల్‌ ఇమేజింగ్‌: MRI, కోడింగ్, మెడికల్‌ డేటా విశ్లేషణ
మెడికల్‌ కోడింగ్‌/బిల్లింగ్‌: వేగవంతమైన, ఖచ్చితమైన సేవలు
హెల్త్‌కేర్‌ ఏఐ టూల్స్‌: మెరుగైన డయాగ్నోసిస్‌ కోసం వినియోగం

ఏఐలో ఎంటెక్‌ & రీసెర్చ్‌ లక్ష్యం:

గేట్‌ ర్యాంకుతో ఐఐటీలో ఎంటెక్‌ (AI స్పెషలైజేషన్‌) చేయాలని నిఖిల్‌ భావిస్తున్నారు. భవిష్యత్తులో హెల్త్‌కేర్‌ AI రంగంలో స్టార్టప్‌ స్థాపన కూడా ఆయన లక్ష్యం.