- ఎం.మేఘన, హైదరాబాద్.
Question
నేషనల్ ఇన్‌స్టిట్యూట్ ఆఫ్ డిజైన్ (ఎన్‌ఐడీ) అందిస్తున్న బ్యాచిలర్ కోర్సుల వివరాలు తెలియజేయండి?
- బ్యాచిలర్ ఆఫ్ డిజైన్ (వ్యవధి నాలుగేళ్లు): ఇది ఎన్‌ఐడీ అహ్మదాబాద్ క్యాంపస్‌లో అందుబాటులో ఉంది.
- స్పెషలైజేషన్లు-సీట్లు: యానిమేషన్ ఫిల్మ్ డిజైన్ (15); ఎగ్జిబిషన్ డిజైన్ (10); ఫిల్మ్ అండ్ వీడియో కమ్యూనికేషన్ (10); గ్రాఫిక్ డిజైన్ (15); సిరామిక్ అండ్ గ్లాస్ డిజైన్ (10); ఫర్నిచర్ అండ్ ఇంటీరియర్ డిజైన్ (10); ప్రొడక్ట్ డిజైన్ (15); టెక్స్‌టైల్ డిజైన్ (15).
- గాడ్యుయేట్ డిప్లొమా ప్రోగ్రామ్ ఇన్ డిజైన్ (జీడీపీడీ): ఈ కోర్సు ఎన్‌ఐడీ-కురుక్షేత్ర, ఎన్‌ఐడీ-విజయవాడ క్యాంపస్‌ల్లో అందుబాటులో ఉంది. కాల వ్యవధి నాలుగేళ్లు. కోర్సులో ఇండస్ట్రియల్ డిజైన్, కమ్యూనికేషన్ డిజైన్; టెక్స్‌టైల్ అండ్ అపెరల్ డిజైన్ స్పెషలైజేషన్లు అందుబాటులో ఉన్నాయి.
- సైన్స్/కామర్స్/ఆర్ట్స్/ఏదైనా విభాగంలో హయ్యర్ సెకండరీ (10+2) అర్హతతో కోర్సులో ప్రవేశించొచ్చు. డిజైన్ ఆప్టిట్యూడ్ టెస్ట్ (డీఏటీ)లో చూపిన ప్రతిభ ఆధారంగా కోర్సుకు అర్హులను ఎంపిక చేస్తారు.
- డిజైన్ ఆప్టిట్యూడ్ టెస్ట్ (డీఏటీ): పరీక్ష రెండు దశల్లో ప్రిలిమ్స్, మెయిన్స్‌గా జరుగుతుంది. ప్రిలిమినరీ పరీక్షలో అభ్యర్థి పరిజ్ఞానాన్ని, విశ్లేషణ సామర్థ్యాన్ని, ఊహా శక్తిని, సృజనాత్మకతను పరీక్షించేలా ప్రశ్నలుంటాయి. పరీక్ష 100 పాయింట్లకు జరుగుతుంది. మూడు గంటల సమయం అందుబాటులో ఉంటుంది.
- పిలిమ్స్‌లో అర్హత సాధించిన వారికి మెయిన్స్ నిర్వహిస్తారు. ఇందులో డ్రాయింగ్/స్కెచింగ్, మోడల్ మేకింగ్‌కు సంబంధించి ప్రశ్నలుంటాయి. ఈ దశకు 100 మార్కులు కేటాయించారు. మూడు గంటల వ్యవధిలో సమాధానాలు రాయాల్సి ఉంటుంది.
