టీఎస్ ఎంసెట్ దరఖాస్తులకు ఏప్రిల్ 4 ఆఖరు

దరఖాస్తులకు చివరి రోజైన ఏప్రిల్ 4న మరో 10 వేల దరఖాస్తులు రావచ్చని ఎంసెట్ కమిటీ భావిస్తోంది. మార్చి 4వ తేదీ నుంచి ఏప్రిల్ 4వ తేదీ వరకు ఎలాంటి ఆలస్య రుసుము లేకుండా విద్యార్థులు దరఖాస్తు చేసుకునేందుకు అవకాశం కల్పించింది. దీంతో ఏప్రిల్ 3 సాయంత్రానికి 2,03,248 మంది దరఖాస్తు చేసుకున్నట్లు ఎంసెట్ కన్వీనర్ యాదయ్య తెలిపారు. ఇంజనీరింగ్‌కు 1,36,848 మంది, అగ్రికల్చర్‌కు 65,090 మంది, రెండింటికీ 1300 మంది విద్యార్థులు దరఖాస్తు చేసుకున్నట్లు పేర్కొన్నారు. ఏప్రిల్ 6వ తేదీ నుంచి 9వ తేదీ వరకు సబ్మిట్ చేసిన దరఖాస్తుల్లో పొరపాట్లను సవరించుకునేందుకు అవకాశం కల్పిస్తామన్నారు. ఆలస్య రుసుముతో ఏప్రిల్ 11 నుంచి 28 వరకు దరఖాస్తు చేసుకోవచ్చని వెల్లడించారు.