టీఎస్ ఎంసెట్-2020 షెడ్యూల్ విడుదల

Sakshi Education

సాక్షి, ఎడ్యుకేష‌న్‌: తెలంగాణ ఎంసెట్‌-2020 షెడ్యూల్‌ను ఉన్నత విద్యామండలి చైర్మన్‌ పాపిరెడ్డి, ఎంసెట్‌ కన్వీనర్‌ గోవర్ధన్ ఫిబ్రవరి 15న విడుదల చేశారు.

ఫిబ్రవ‌రి 19వ తేదీన నోటిఫికేషన్‌ విడుదల కానుంది. ఫిబ్రవరి 21వ తేదీ నుంచి మార్చి 30 వరకు ఆన్‌లైన్‌ దరఖాస్తులను స్వీకరిస్తారు. రూ.500 ఆలస్య రుసుముతో ఏప్రిల్‌ 6వ తేదీ వరకు, రూ.1000 ఫైన్‌తో ఏప్రిల్‌ 13వ తేదీ వరకు దరఖాస్తులను స్వీకరిస్తారు. రూ.5వేల ఫైన్‌తో ఏప్రిల్‌ 20 తేదీ వరకు, రూ.10వేల జరిమానాతో ఏప్రిల్‌ 27వ తేదీ వరకు దరఖాస్తులు చేసుకోవచ్చు. మార్చి 31వ తేదీ నుంచి ఏప్రిల్‌ 3వ తేదీ వరకు దరఖాస్తుల సవరణకు అవకాశం కల్పిస్తారు. ఏప్రిల్‌ 20వ తేదీ నుంచి మే 1వ తేదీ వరకు హాల్‌టికెట్లు డౌన్‌లోడ్‌ చేసుకునే అవకాశం కల్పిస్తారు. మే 4,5,6వ తేదీల్లో ఎంసెట్‌ ఇంజినీరింగ్‌, మే9,11వ తేదీల్లో అగ్రికల్చర్ మెడికల్ ఎంట్రన్స్ పరీక్షలు జరగనున్నాయి.

ఎంసెట్-2020 మాక్‌టెస్టులు, బిట్‌బ్యాంక్‌, ప్రీవియ‌స్ పేప‌ర్స్‌, మోడ‌ల్‌పేప‌ర్స్‌, ఆన్‌లైన్ టెస్టులు మొద‌లైన వాటి కోసం క్లిక్ చేయండి

Published date : 15 Feb 2020 07:11PM