తెలంగాణ విద్యార్థులకు మరో అవకాశం

ఇక్కడ వస్తుందనుకుకొని...: ఎంసెట్-2లో చాలా మంది టాపర్లు ఏపీ ఎంసెట్‌లోనూ టాప్ ర్యాంకులు పొందారు. అయితే తెలంగాణ ఎంసెట్-2లో మంచి ర్యాంకులు వచ్చినందున ఏపీలో సీట్లను వదులుకున్నారు. అందుకే ఏపీ సర్కారు ఇటీవల నిర్వహించిన సర్టిఫికేట్ల వెరిఫికేషన్‌కు చాలామంది తెలంగాణ విద్యార్థులు హాజరుకాలేదు. అయితే ఎంసెట్-2 ప్రశ్నాపత్రం లీకేజీ వ్యవహారం బయటపడింది. ఏపీలో సీటును వదులుకోవడంతో 2చోట్లా ఆయా విద్యార్థులు నష్టపోయారు. అయితే ఏపీలో ఇంకా కౌన్సెలింగ్ ప్రక్రియ ముగియలేదు. ఈ నేపథ్యంలో వెరిఫికేషన్‌లో పాల్గొనని కొందరు విద్యార్థులు మంత్రి లక్ష్మారెడ్డి, వీసీ కరుణాకర్‌రెడ్డిలను కలసి గోడువెళ్లబోసుకున్నారు. దీంతో ఈ అంశంపై ఏపీ ప్రభుత్వానికి విజ్ఞప్తి చేయాలని రాష్ర్ట ప్రభుత్వం నిర్ణయించింది.

15 శాతం సీట్లలో ఓపెన్ కాంపిటీషన్...:
ఏపీ మెడికల్ సీట్లలో మొదటి 15% సీట్లలో తెలంగాణ విద్యార్థులు ఓపెన్ కాంపిటీషన్‌లో సీట్లు పొందడానికి వీలుంది. ఆ ప్రకారం తెలంగాణకు చెందిన అనేక మంది టాప్ ర్యాంకర్లు ఏపీలో సీట్లు పొందొచ్చు. ఎన్టీఆర్ ఆరో గ్య విశ్వవిద్యాలయం అధికారులు మాత్రం దీనివల్ల తమ విద్యార్థుల సీట్లకు కోత పడతాయన్న ఆందోళనలో ఉన్న ట్లు తెలిసింది. ఈ విషయంలో మానవ తా ధృక్పథంతో ఆలోచించాలని తెలంగాణ ప్రభుత్వం ఏపీని కోరుతోంది.