రేపు ఎంసెట్ ఏసీ ఫలితాలు

పరీక్షకు 6,600 మంది దరఖాస్తు చేసుకోగా 5,738 మంది రాశారు. మొత్తం 700 సీట్లు యాజమాన్య కోటాలో భర్తీ చేయనున్నారు. ఎంసెట్ కౌన్సెలింగ్ ముగిశాక ఎంసెట్ ఏసీ కౌన్సెలింగ్ ప్రారంభిస్తామని ఎన్టీఆర్ హెల్త్ వర్సిటీ అధికారి ‘సాక్షి’తో చెప్పారు. మెరిట్ ప్రాతిపదికన సీట్లు పొందిన అభ్యర్థులు ఏడాదికి రూ.11 లక్షల చొప్పున ఫీజు చెల్లించాల్సి ఉంటుందన్నారు. ఎన్టీఆర్ వర్సిటీ వైస్ చాన్స్‌లర్, వైద్య విద్యా సంచాలకులు (డీఎంఈ), ప్రైవేటు యాజమాన్యాల అసోసియేషన్ నుంచి ఒకరుగాగల త్రిసభ్య కమిటీ ఆధ్వర్యంలోనే సీట్ల భర్తీ జరుగుతుందని తెలిపారు.