Sakshi Education
ఏఎన్‌యూ: ఆచార్య నాగార్జున యూనివర్సిటీ దూర విద్యా కేంద్రం నిర్వహించే డిగ్రీ, పీజీ కోర్సు పరీక్షలు బుధవారం నుంచి ఆంధ్రప్రదేశ్, తెలంగాణ రాష్ట్రాల్లో ప్రారంభం కానున్నాయని డెరైక్టర్ ఆచార్య పి. శంకరపిచ్చయ్య తెలిపారు.
ఏఎన్‌యూ దూర విద్యా కేంద్రంలో మంగళవారం ఆయన విలేకరులతో మాట్లాడుతూ.. పరీక్షలకు హాజరయ్యే విద్యార్థులకు నిబంధనలన్నీ హాల్‌టికెట్ వెనుక భాగంలో ముద్రించామని, వాటిని పరిశీలించాలని సూచించారు. పరీక్ష కేంద్రాల వద్ద పరిశీలకుల కదలికలను గమనించేందుకు జీపీఆర్‌ఎస్ విధానాన్ని ఉపయోగిస్తున్నామన్నారు. దూరవిద్య పరీక్షల కో ఆర్డినేటర్ డాక్టర్ కె. వీరయ్య మాట్లాడుతూ.. ఆంధ్రప్రదేశ్‌లో 48, తెలంగాణలో 30 పరీక్ష కేంద్రాల్లో పరీక్షలు జరుగుతాయన్నారు. డిగ్రీ కోర్సుల నుంచి 20,457, పీజీ కోర్సుల నుంచి 21,258 మంది విద్యార్థులు పరీక్షలకు హాజరుకానున్నారని తెలిపారు. పరీక్షలు ప్రతిరోజూ రెండు విడతల్లో నిర్వహిస్తామని, ఉదయం 9 గంటలకు ఒక పరీక్ష, మధ్యాహ్నం 2 గంటలకు మరో పరీక్ష ప్రారంభమవుతాయని ఆయన పేర్కొన్నారు.
Published date : 18 May 2016 02:18PM
