వరుణుడు ఆటంకం కలిగించడంతో డక్‌వర్త్‌ లూయిస్‌ పద్దతిలో ఐర్లాండ్‌ 5 పరుగుల తేడాతో హాట్‌ ఫేవరెట్‌ జట్టును ఓడించింది. ఈ మ్యాచ్‌లో టాస్‌ ఓడి తొలుత బ్యాటింగ్‌ చేసిన ఐర్లాండ్‌.. మార్క్‌ వుడ్‌ (3/34), లివింగ్‌స్టోన్‌ (3/17), సామ్‌ కర్రన్‌ (2/31), స్టోక్స్‌ (1/8) చెలరేగడంతో 19.2 ఓవర్లలో 157 పరుగులకు చాపచుట్టేసింది. కెప్టెన్‌ బల్బిర్నీ (47 బంతుల్లో 62; 5 ఫోర్లు, 2 సిక్సర్లు) అర్ధసెంచరీతో రాణించాడు.
T20 World Cup 2022 Records : వెటరన్‌ పేసర్ భువనేశ్వర్‌ కుమార్‌ సరికొత్త రికార్డు.. తొలి బౌలర్‌గా..
అనంతరం 158 పరుగుల లక్ష్యాన్ని ఛేదించేందుకు బరిలోకి దిగిన ఇంగ్లండ్‌కు ఆదిలోనే వరుస షాక్‌లు తగిలాయి. ఓపెనర్ జోస్‌ బట్లర్‌ డకౌట్‌ కాగా.. మరో ఓపెనర్ అలెక్స్‌ హేల్స్‌ 7 పరుగులు చేసి వెనుదిరిగాడు. ఆ తర్వాత వచ్చిన మలాన్‌ కాసేపు ఓపిగ్గా ఆడినప్పటికీ 35 పరుగుల వ్యక్తిగత స్కోర్‌ వద్ద ఔటయ్యాడు. స్టోక్స్‌ (6), హ్యారీ బ్రూక్‌ (18) కూడా తక్కువ పరుగులకే పెవిలియన్‌కు చేరడంతో ఇంగ్లండ్‌ 86 పరుగులకే సగం వికెట్లు కోల్పోయి పీకల్లోతు కష్టాల్లో పడింది. వీరి తర్వాత వచ్చిన మొయిన్‌ అలీ (12 బంతుల్లో 24 నాటౌట్‌; 3 ఫోర్లు, సిక్స్‌), లివింగ్‌స్టోన్‌ (1 నాటౌట్‌) ఇంగ్లండ్‌కు గట్టెక్కించే ప్రయత్నం చేస్తుండగా ఒక్కసారిగా భారీ వర్షం మొదలైంది. ఈ దశలో ఇంగ్లండ్‌ స్కోర్‌ 105/5గా ఉంది. వరుణుడు ఎంతకీ శాంతించకపోవడంతో అంపైర్లు డక్‌వర్త్‌ లూయిస్‌ పద్దతిలో ఐర్లాండ్‌ను విజేతగా ప్రకటించారు. ఐర్లాండ్‌ బౌలర్లలో జాషువా లిటిల్‌ 2, బ్యారీ మెక్‌ కార్తీ, ఫియాన్‌ హ్యాండ్‌, జార్జ్‌ డాక్రెల్‌ తలో వికెట్‌ పడగొట్టారు.
India vs Pakistan T20 World cup : పాక్‌పై భార‌త్‌ ఘన విజయం.. ఉత్కంఠ పోరు సాగిందిలా..
More Articles
Most Read
