Gukesh: చరిత్ర సృష్టించిన గుకేశ్‌.. ప్రపంచంలోనే తొలి ఆటగాడిగా..

17 ఏళ్ల వయస్సులోనే క్యాండిడేట్స్ చెస్ టోర్నీ ఓపెన్ టైటిల్‌ను గెలుచుకుని, ప్రపంచ చెస్ చరిత్రలోనే అత్యంత పిన్న వయస్సులో వరల్డ్ చాంపియన్‌షిప్ చాలెంజర్‌గా నిలిచే ఘనత సాధించాడు.

ఈ టోర్నీలో 14 రౌండ్లలో 9 పాయింట్లు సాధించి, చివరి రౌండ్‌లో అమెరికాకు చెందిన హికారు నకామురాతో డ్రా గేమ్ ఆడిన గుకేశ్, టైటిల్‌ను సొంతం చేసుకున్నాడు. టోర్నీ చరిత్రలో టైటిల్‌ గెలిచిన తొలి టీనేజర్‌గానూ గుకేశ్ ఖ్యాతిని సొంతం చేసుకున్నాడు.

ఈ విజయంతో, వచ్చే ఏడాది జరగనున్న చెస్ వరల్డ్ చాంపియన్‌షిప్ టైటిల్‌ కోసం పోటీపడే అవకాశం గుకేశ్‌కు లభించింది. ఈ మెగా ఈవెంట్లో చైనాకు చెందిన డింగ్ లారెన్‌తో గుకేశ్ తలపడనున్నాడు.

క్యాండిడేట్స్ చెస్ టోర్నీ ఓపెన్ టైటిల్‌ను గెలిచిన రెండో భారతీయుడిగా గుకేశ్ చరిత్రలో నిలిచాడు. 2014లో విశ్వనాథన్ ఆనంద్ ఈ ఘనత సాధించాడు.

Chess Tournament: చెస్‌ టోర్నమెంట్‌ మహిళల విభాగంలో హంపి, వైశాలి విజయం

గుకేశ్ విజయానికి భారతదేశం అంతటా ప్రశంసలు వెల్లువెత్తుతున్నాయి. ఈ యువ గ్రాండ్‌మాస్టర్ భవిష్యత్తులో మరెన్నో విజయాలు సాధిస్తూ.. భారతదేశ ఖ్యాతిని మరింత పెంచుతాడని అందరూ ఆశిస్తున్నారు.