రూమ్‌ ఎయిర్‌ కండిషనర్లు, విడిభాగాల తయారీలో పేరుగాంచిన యాంబర్‌ ఎంటర్‌ప్రైజెస్‌ సంస్థ ఆంధ్రప్రదేశ్‌ రాష్ట్రంలో తయారీ యూనిట్‌కు అక్టోబర్‌ 8న భూమిపూజ చేసింది. చిత్తూరు జిల్లా శ్రీసిటీలో 16.3 ఎకరాల్లో సుమారు రూ.250 కోట్లతో ఈ యూనిట్‌ను ఏర్పాటు చేస్తోంది. యాంబర్‌ ఎంటర్‌ప్రైజెస్‌ ఇండియా లిమిటెడ్‌కు ఇది దేశంలో 15వ ప్లాంట్‌ కాగా దక్షిణాదిన తొలి యూనిట్‌. ఎల్‌జీ, కారియర్, హిటాచీ, ఫ్లిప్‌కార్ట్, అమెజాన్‌ వంటి 20కిపైగా ప్రముఖ కంపెనీలకు ఉత్పత్తులను యాంబర్‌ అందిస్తుంది. ఈ యూనిట్‌ ద్వారా ప్రత్యక్షంగా, పరోక్షంగా 2 వేలమందికి ఉపాధి లభిస్తుందని అంచనా.
15 రోజుల్లో మూడు యూనిట్లు
గత 15 రోజుల్లో మూడు ప్రముఖ సంస్థలు ఏసీ తయారీ యూనిట్లు పనులు ప్రారంభించాయి. ఇప్పటికే జపాన్‌కు చెందిన డైకిన్, ఇండియాకు చెందిన బ్లూస్టార్‌ కంపెనీలు శ్రీ సిటీలో పెట్టుబడులు పెట్టగా, తాజాగా యాంబర్‌ ఇండియా కూడా నిర్మాణ పనులు ప్రారంభించింది. ఈ మూడు యూనిట్ల ద్వారా రూ.1,790 కోట్ల పెట్టుబడులు రావడంతో పాటు సుమారు 5 వేలమందికి ఉపాధి లభించనుంది.
చ‌ద‌వండి: రాష్ట్రంలోని ఏ జిల్లాలో గిరిజన మ్యూజియానికి శంకుస్థాపన చేశారు?
క్విక్‌ రివ్యూ :
ఏమిటి : ఏసీ తయారీ యూనిట్‌ నిర్మాణానికి శంకుస్థాపన
ఎప్పుడు : అక్టోబర్‌ 8
ఎవరు : యాంబర్‌ ఎంటర్‌ప్రైజెస్‌ ఇండియా లిమిటెడ్‌
ఎక్కడ : శ్రీసిటీ, చిత్తూరు జిల్లా
ఎందుకు : రూమ్‌ ఎయిర్‌ కండిషనర్లు, విడిభాగాల తయారీ కోసం...
డౌన్‌లోడ్‌ చేసుకోండి:
తాజా విద్యా సమాచారం, అన్ని రకాల పోటీ పరీక్షలకు సంబంధించిన కరెంట్ అఫైర్స్, స్టడీ మెటీరియల్‌తో పాటు తరగతులకు(అకాడెమిక్స్‌) సంబంధించిన స్టడీ మెటీరియల్‌ను పొందడానికి, కెరీర్‌ అవకాశాలను తెలుసుకోవడానికి సాక్షి ఎడ్యుకేషన్‌ యాప్‌ను ఇప్పుడే డౌన్‌లోడ్‌ చేసుకోండి.
యాప్‌ డౌన్‌లోడ్‌ ఇలా...
డౌన్‌లోడ్‌ వయా గూగుల్‌ ప్లేస్టోర్‌
More Articles
Most Read
