కోవిడ్‌–19 నియంత్రణ కోసం జైడస్‌ కాడిలా కంపెనీ తయారు చేసిన జైకోవ్‌–డి వ్యాక్సిన్‌ దేశంలో అతి త్వరలో అందుబాటులోకి రానుందని కేంద్ర ప్రభుత్వం ప్రకటించింది. ఇంజెక్షన్‌రహితంగా మూడు డోసుల్లో ఇవ్వనున్న ఈ వ్యాక్సిన్‌ ధర ఇతర వాటితో పోలిస్తే భిన్నంగా ఉంటుందని తెలిపింది. 12 ఏళ్లు పైబడిన వారికి జైకోవ్‌ వ్యాక్సిన్‌ ఇవ్వవచ్చు. దేశంలో 18 ఏళ్ల లోపు వారికి ఉపయోగించనున్న తొలి వ్యాక్సిన్‌ ఇదే. జైకోవ్‌–డి ప్రపంచంలోనే తొలి ప్లాస్మిడ్‌ డీఎన్‌ఏ వ్యాక్సిన్‌. పూర్తిగా మన దేశంలోనే అభివృద్ధి చేసి, అందుబాటులోకి వస్తున్న రెండో వ్యాక్సిన్‌.
చ‌ద‌వండి: సూదిలేని మందు.., డీఎన్‌ఏ ప్లాస్మిడ్‌ టీకా అంటే?
కస్టమ్స్‌ సుంకం మినహాయింపు...
కేంద్ర ప్రభుత్వం దిగుమతి చేసుకునే కోవిడ్‌ వ్యాక్సిన్లపై 2021, అక్టోబర్‌ 1 నుంచి డిసెంబర్‌ 31 వరకు కస్టమ్స్‌ సుంకాన్ని మినహాయించింది. ఫలితంగా దేశంలో వ్యాక్సిన్లు అందరికీ అందుబాటులోకి రావడమే కాకుండా వాటి ధర తగ్గుతుంది. కోవిడ్‌ వ్యాక్సిన్లపై కస్టమ్స్‌ సుంకాన్ని గత ఏప్రిల్‌ నుంచి మూడు నెలల పాటు మినహాయించింది. ఆ తర్వాత 10 శాతం సుంకాన్ని వసూలు చేసింది. ప్రస్తుతం స్పుత్నిక్‌ వి టీకా మాత్రమే భారత్‌లోకి దిగుమతి అవుతోంది.
క్విక్‌ రివ్యూ :
ఏమిటి : జైడస్‌ కాడిలా కంపెనీ తయారు చేసిన జైకోవ్‌–డి వ్యాక్సిన్‌ త్వరలో అందుబాటులోకి రానుంది
ఎప్పుడు : సెప్టెంబర్‌ 30
ఎవరు : కేంద్ర ప్రభుత్వం
ఎక్కడ : దేశ వాప్తంగా...
ఎందుకు : కరోనా వైరస్‌ నియంత్రణ కోసం..
More Articles
Most Read
