Chandipura Virus: గుజరాత్‌, రాజస్థాన్‌లలో ప్రమాదకర వైరస్‌ కలకలం

రాజస్థాన్‌లోని ఉదయపూర్ జిల్లాలో చాందిపురా వైరస్ కేసులు నమోదైన నేపథ్యంలో రాష్ట్ర వైద్య ఆరోగ్య శాఖ అప్రమత్తమైంది. ప్రజలు మరింత జాగ్రత్తగా ఉండాలని వైద్యులు సూచిస్తున్నారు.

వైద్యాధికారులు తెలిపిన వివరాలు ఇవే..

• ఉదయపూర్ జిల్లాలోని ఖేర్వాడా బ్లాక్‌లోని రెండు గ్రామాలలో చాందిపురా వైరస్ కేసులు నమోదయ్యాయి.
• ఖేర్వాడా బ్లాక్‌లోని నల్ఫాలా, అఖివాడ గ్రామాలకు చెందిన ఇద్దరు చిన్నారులు ఈ వైరస్‌ బారినపడి హిమ్మత్‌నగర్‌లో చికిత్స పొందుతున్నారు.
• ఈ రెండు గ్రామాలు గుజరాత్ సరిహద్దుల్లో ఉన్నాయి. ఈ ప్రాంతానికి చెందినవారు ఉపాధి కోసం గుజరాత్ సరిహద్దు ప్రాంతాలకు వలస వెళుతుంటారు.
• ఈ వైరస్‌ బారినపడిన చిన్నారులలో ఒకరు మృతి చెందారని తాజా సమాచారం.
• చాందిపురా వైరస్‌ దోమలు, పురుగులు, ఈగల ద్వారా వ్యాపిస్తుంది.
• బాధితులకు చికిత్స అందించడంలో ఆలస్యమైతే ప్రాణాంతకం కావచ్చని వైద్యులు హెచ్చరిస్తున్నారు.

Zika Virus: జాగ్ర‌త్త‌.. కలకలం రేపుతున్న జికా వైరస్‌.. రాష్ట్రాలకు కేంద్రం సూచ‌న‌లు