వ్యాపారాల నిర్వహణను సులభతరం చేసే దిశగా కేంద్ర ప్రభుత్వం మరిన్ని చర్యలు తీసుకుంటోంది. ఇందులో భాగంగా ఇన్వెస్టర్లు, వ్యాపారాలకు అనుమతుల కోసం ‘‘నేషనల్‌ సింగిల్‌ విండో సిస్టమ్‌ (NSWS)’’ పోర్టల్‌ను అందుబాటులోకి తెచ్చింది. కేంద్ర వాణిజ్య, పరిశ్రమల శాఖ మంత్రి పీయూష్‌ గోయల్‌ సెప్టెంబర్ 22న న్యూఢిల్లీలో దీన్ని లాంఛనంగా ఆవిష్కరించారు. ఈ పోర్టల్‌ వల్ల వ్యాపారాలను నమోదు చేసుకునేందుకు, ఇన్వెస్ట్‌ చేసేందుకు వివిధ ప్రభుత్వ విభాగాల చుట్టూ తిరగాల్సిన సమస్య తప్పుతుందని మంత్రి గోయల్‌ పేర్కొన్నారు.
ప్రస్తుతం సింగిల్‌ విండో పోర్టల్‌ ద్వారా 18 కేంద్ర ప్రభుత్వ విభాగాలు, 9 రాష్ట్రాలకు సంబంధించిన అనుమతులు పొందవచ్చు. 2021, డిసెంబర్‌ ఆఖరు నాటికి మరో 14 కేంద్ర ప్రభుత్వ విభాగాలు, ఇంకో 5 రాష్ట్రాలను చేర్చనున్నారు. యూజర్లు, పరిశ్రమ ఫీడ్‌బ్యాక్‌ బట్టి ఇందులో మరిన్ని అనుమతులు, లైసెన్సుల జారీ ప్రక్రియకు సంబంధించిన అంశాలను జోడించనున్నారు.
చ‌ద‌వండి: దేశంలోనే అతిపెద్ద ఎంటర్‌టైన్‌మెంట్‌ నెట్‌వర్క్‌ ఏది?
క్విక్‌ రివ్యూ :
ఏమిటి : ‘‘నేషనల్‌ సింగిల్‌ విండో సిస్టమ్‌ (NSWS)’’ పోర్టల్‌ ఆవిష్కరణ
ఎప్పుడు : సెప్టెంబర్ 22
ఎవరు : కేంద్ర వాణిజ్య, పరిశ్రమల శాఖ మంత్రి పీయూష్‌ గోయల్‌
ఎక్కడ : న్యూఢిల్లీ
ఎందుకు : వ్యాపారాల నిర్వహణను సులభతరం చేసేందుకు...
More Articles
Most Read
