గతేడాది ఇదే వ్యవధిలో ఎగుమతులు 35.39 బిలియన్‌ డాలర్లు. కమోడిటీల ధరలు తగ్గుముఖం పట్టడంతో వరుసగా 10వ నెల దిగుమతుల భారం కాస్త తగ్గింది. శుక్రవారం ప్రభుత్వం విడుదల చేసిన గణాంకాల ప్రకారం .. దిగుమతులు 15% క్షీణించి 53.84 బిలియన్‌ డాలర్లుగా నమోదయ్యాయి.
గత సెసెప్టెంబర్‌లో ఇవి 63.37 బిలియన్‌ డాలర్లు. సెప్టెంబర్‌లో దేశ వాణిజ్య లోటు 19.37 బిలియన్‌ డాలర్లకు దిగి వచ్చింది. ఈ ఆర్థిక సంవత్సరం ఏప్రిల్–సెసెప్టెంబర్‌ మధ్య కాలంలో ఎగుమతులు 8.77% క్షీణించాయి. 211.4 బిలియన్‌ డాలర్లకు పరిమితమయ్యాయి. ఇదే వ్యవధిలో దిగుమతులు 12.23% తగ్గి 326.98 బిలియన్‌ డాలర్లుగా నమోదయ్యాయి. ఫలితంగా వాణిజ్య లోటు 115.58 బిలియన్‌ డాలర్లుగా ఉంది.
World Bank Report on GDP: 2023–24లో ప్రపంచ బ్యాంక్ ప్రకారం భారత్ వృద్ధి ఎంతంటే!
ఎగుమతులపై ఆశాభావం..
అంతర్జాతీయంగా సవాళ్లు నెలకొన్నప్పటికీ సెసెప్టెంబర్‌ గణాంకాలు ఎగుమతులపరంగా ఆశావహ అవకాశాలను సూచిస్తున్నాయని కేంద్ర వాణిజ్య శాఖ కార్యదర్శి సునీల్‌ బరత్‌వాల్‌ తెలిపారు. మిగతా ఆరు నెలల్లో ఎగుమతులు సానుకూల వృద్ధి నమోదు చేయగలవని ఆశాభావం వ్యక్తం చేశారు. ఏప్రిల్, మే, జూన్, జూలైలో క్షీణత రెండంకెల స్థాయిలో ఉండగా.. ప్రస్తుతం సింగిల్‌ డిజిట్‌ స్థాయికి దిగి వచ్చిందని సునీల్‌ పేర్కొన్నారు. 2023లో అంతర్జాతీయంగా వాణిజ్యం 0.8 శాతమే పెరగవచ్చని వరల్డ్‌ ట్రేడ్‌ ఆర్గనైజేషన్‌ అంచనా వేసినప్పటికీ ఎగుమతులపరంగా భారత్ మెరుగ్గా రాణిస్తోందని సునీల్‌ చెప్పారు.
GST collection rises in September: సెప్టెంబర్ జీఎస్టీ వసూళ్ల‌లో భారీ పెరుగుద‌ల
ఆగస్టు గణాంకాల సవరణ..
కేంద్రం ఆగస్టు ఎగుమతుల గణాంకాలను 34.48 బిలియన్‌ డాలర్ల నుంచి 38.45 బిలియన్‌ డాలర్లకు సవరించింది. అలాగే దిగుమతులను 58.64 బిలియన్‌ డాలర్ల నుంచి 60.1 బిలియన్‌ డాలర్లకు మార్చింది. సెసెప్టెంబర్‌ 15న విడుదల చేసిన గణాంకాల ప్రకారం ఆగస్టులో ఎగుమతులు అంతక్రితం ఏడాది అదే వ్యవధితో పోలిస్తే 6.86 శాతం క్షీణించినట్లు నమోదు కాగా.. తాజా సవరణతో 3.88 శాతం పెరిగినట్లయ్యింది.
More Articles
Most Read
