దేశీయంగా స్టార్టప్‌లు వేగంగా పుట్టుకొస్తున్నట్లు నాస్కామ్‌ సెంటర్‌ ఆఫ్‌ ఎక్స్‌లెన్స్, ఐవోటీ, ఏఐ విభాగాల సీఈవో సంజీవ్‌ మల్హోత్రా పేర్కొన్నారు. వార్షికంగా వీటి సంఖ్యలో 10 శాతం వృద్ధి నమోదవుతున్నట్లు ఫిబ్రవరి 22న తెలియజేశారు. 2021–22కల్లా గుర్తింపు పొందిన కొత్త స్టార్టప్‌లు 14,000ను మించాయి. 2016–17లో ఇవి 733 మాత్రమే. తద్వారా ప్రపంచంలో అమెరికా, చైనా తదుపరి మూడో పెద్ద స్టార్టప్‌ ఎకోసిస్టమ్‌గా దేశం ఆవిర్భవించినట్లు మల్హోత్రా తెలియజేశారు.
ఎన్ని డాలర్లకుపైగా విలువ చేసే కంపెనీని యూనికార్న్‌గా పిలుస్తారు?
పటిష్ట ఎకోసిస్టమ్, ప్రోత్సాహకర పెట్టుబడుల కారణంగా దేశంలో మరిన్ని యూనికార్న్‌లు ఆవిర్భవించనున్నట్లు మల్హోత్రా పేర్కొన్నారు. స్టార్టప్‌ వ్యవస్థలో బిలియన్‌ డాలర్ల(దాదాపు రూ. 7,500 కోట్లు) విలువను అందుకున్న కంపెనీలను యూనికార్న్‌గా వ్యవహరించే సంగతి తెలిసిందే. 2021లో దేశీయంగా 44 స్టార్టప్‌లు యూనికార్న్‌ హోదాను అందుకున్నాయి. దీంతో వీటి సంఖ్య 83ను తాకింది.
యూనికార్న్‌ క్లబ్‌లో హసురా..
క్లౌడ్‌ సేవల్లో ఉన్న బెంగళూరు కంపెనీ హసురా సుమారు రూ.746 కోట్లను సమీకరించింది. గ్రీనోక్స్‌తోపాటు పాత ఇన్వెస్టర్స్‌ అయిన నెక్సస్‌ వెంచర్‌ పార్ట్‌నర్స్, లైట్‌స్పీడ్‌ వెంచర్‌ పార్ట్‌నర్స్, వెర్టెక్స్‌ వెంచర్స్‌ సైతం ఈ డీల్‌లో పాలుపంచుకున్నాయి. తాజా డీల్‌ ప్రకారం కంపెనీని రూ.7,460 కోట్లుగా (బిలియన్‌ డాలర్‌) విలువ కట్టారు. దీంతో యూనికార్న్‌ క్లబ్‌లో హసురా చేరింది.
చ‌ద‌వండి: బీపీసీఎల్‌ ప్రధాన కార్యాలయం ఏ నగరంలో ఉంది?
క్విక్‌ రివ్యూ :
ఏమిటి : మూడో పెద్ద స్టార్టప్‌ ఎకోసిస్టవ్‌గా ఆవిర్భవించిన దేశం?
ఎప్పుడు : ఫిబ్రవరి 22
ఎవరు : భారత్‌
ఎక్కడ : ప్రపంచంలో..
ఎందుకు : దేశీయంగా స్టార్టప్‌లు వేగంగా పుట్టుకొస్తున్నందున..
డౌన్‌లోడ్‌ చేసుకోండి:
తాజా విద్యా సమాచారం, అన్ని రకాల పోటీ పరీక్షలకు సంబంధించిన కరెంట్ అఫైర్స్, స్టడీ మెటీరియల్‌తో పాటు తరగతులకు(అకాడెమిక్స్‌) సంబంధించిన స్టడీ మెటీరియల్‌ను పొందడానికి, కెరీర్‌ అవకాశాలను తెలుసుకోవడానికి సాక్షి ఎడ్యుకేషన్‌ యాప్‌ను ఇప్పుడే డౌన్‌లోడ్‌ చేసుకోండి.
యాప్‌ డౌన్‌లోడ్‌ ఇలా...
డౌన్‌లోడ్‌ వయా గూగుల్‌ ప్లేస్టోర్‌
More Articles
Most Read
