2021–2022 ఆర్థిక సంవత్సరంలో భారత్ వృద్ధి రేటు అంచనాలను 10 శాతం నుంచి 8.7 శాతానికి తగ్గిస్తున్నట్లు అంతర్జాతీయ రేటింగ్‌ ఏజెన్సీ ‘ఫిచ్‌ రేటింగ్స్‌’ వెల్లడించింది. కరోనా రెండో విడత ఎక్కువ కాలం పాటు ఉండడాన్ని తన అంచనాల తగ్గింపునకు కారణమని తెలిపింది. ఈ మేరకు అక్టోబర్ 7న ఒక నివేదికను విడుదల చేసింది. 2021–2022లో భారత్ వృద్ధి రేటు 12.8 శాతంగా నమోదవ్వొచ్చని తొలుత ఫిచ్‌ అంచనా వేసింది. అయితే దాన్ని 12.8 నుంచి 10 శాతానికి తగ్గించింది. తాజాగా 10 శాతం నుంచి 8.7 శాతానికి తగ్గించింది.
2021–2022 భారత్ వృద్ధి రేటుకు సంబంధించి ఇతర అంచనాలు ఇలా...
- ఆర్‌బీఐ – 9.5 శాతం
- ఎస్‌అండ్‌పీ గ్లోబల్‌ రేటింగ్స్‌ – 9.5 శాతం
- మూడిస్‌ – 9.3 శాతం
- ప్రపంచబ్యాంకు – 8.3 శాతం
యూనికార్న్‌గా రెబెల్‌ ఫుడ్స్‌...
ఫాసోస్, బెహ్రౌజ్‌ బిర్యానీ, మాండరిన్‌ ఓక్‌ తదితర బ్రాండ్ల స్టార్టప్‌ రెబెల్‌ ఫుడ్స్‌ తాజాగా 17.5 కోట్ల డాలర్ల(రూ. 1,300 కోట్లు) పెట్టుబడులను సమీకరించింది. దీంతో కంపెనీ 1.4 బిలియన్‌ డాలర్ల(రూ. 10,400 కోట్లు) విలువను సాధించింది. తద్వారా యూనికార్న్‌(బిలియన్‌ డాలర్ల విలువ) హోదాను సాధించింది. రెబెల్‌ ఫుడ్స్‌ను 2011లో జైదీప్‌ బర్మన్, కల్లోల్‌ బెనర్జీ ఏర్పాటు చేశారు.
చ‌ద‌వండి: యూనికార్న్‌ హోదా పొందిన క్రిప్టో ఎక్స్ఛేంజీ నిర్వాహక స్టార్టప్‌?
క్విక్‌ రివ్యూ :
ఏమిటి : 2021–2022 ఆర్థిక సంవత్సరంలో భారత్ వృద్ధి రేటు అంచనాలు 10 శాతం నుంచి 8.7 శాతానికి తగ్గింపు
ఎప్పుడు : అక్టోబర్ 7
ఎవరు : అంతర్జాతీయ రేటింగ్‌ ఏజెన్సీ ‘ఫిచ్‌ రేటింగ్స్‌’
ఎందుకు : కరోనా రెండో విడత ఎక్కువ కాలం పాటు ఉండటంతో...
డౌన్‌లోడ్‌ చేసుకోండి:
తాజా విద్యా సమాచారం, అన్ని రకాల పోటీ పరీక్షలకు సంబంధించిన కరెంట్ అఫైర్స్, స్టడీ మెటీరియల్‌తో పాటు తరగతులకు(అకాడెమిక్స్‌) సంబంధించిన స్టడీ మెటీరియల్‌ను పొందడానికి, కెరీర్‌ అవకాశాలను తెలుసుకోవడానికి సాక్షి ఎడ్యుకేషన్‌ యాప్‌ను ఇప్పుడే డౌన్‌లోడ్‌ చేసుకోండి.
యాప్‌ డౌన్‌లోడ్‌ ఇలా...
డౌన్‌లోడ్‌ వయా గూగుల్‌ ప్లేస్టోర్‌
More Articles
Most Read
