Skip to main content

COVID-19 Vaccine: బయోలాజికల్‌ ఈ (బీఈ)తో జట్టు కట్టిన అంతర్జాతీయ సంస్థ?

DFC and BE

కోవిడ్‌–19పై పోరులో భాగంగా మరిన్ని టీకాలను అందుబాటులోకి తెచ్చే దిశగా వ్యాక్సిన్ల తయారీ దిగ్గజం బయోలాజికల్‌ ఈ (బీఈ)తో అమెరికా అంతర్జాతీయ అభివృద్ధి ఫైనాన్స్‌ కార్పొరేషన్‌ (యూఎస్‌ ఇంటర్నేషనల్‌ డెవలప్‌మెంట్‌ ఫైనాన్స్‌ కార్పొరేషన్‌–డీఎఫ్‌సీ) చేతులు కలిపింది. బీఈ టీకాల ఉత్పత్తి సామర్థ్యాన్ని పెంచుకునేందుకు డీఎఫ్‌సీ 50 మిలియన్‌ డాలర్ల (సుమారు రూ. 375 కోట్లు) నిధులు సమకూర్చనుంది. అక్టోబర్‌ 25న హైదరాబాద్‌లో జరిగిన కార్యక్రమంలో ఇందుకు సంబంధించిన అధికారిక ఒప్పందంపై బీఈ ఎండీ మహిమా దాట్ల, డీఎఫ్‌సీ సీవోవో డేవిడ్‌ మార్చిక్‌ సంతకాలు చేశారు. తెలంగాణ ఐటీ, పరిశ్రమల శాఖ ప్రిన్సిపల్‌ సెక్రటరీ జయేశ్‌ రంజన్, అమెరికా కాన్సల్‌ జనరల్‌ జోయెల్‌ రీఫ్‌మాన్‌ ఈ కార్యక్రమంలో పాల్గొన్నారు.

మరోవైపు కోవిడ్‌–19కి సంబంధించి తమ కోర్బివ్యాక్స్‌ టీకా 2021, నవంబర్‌ ఆఖరు నాటికి అందుబాటులోకి వచ్చే అవకాశం ఉందని మహిమా దాట్ల వెల్లడించారు.
 

చ‌ద‌వండి: దేశవ్యాప్తంగా డేటా ఆధారిత ల్యాబ్స్‌ను ఏర్పాటు చేయనున్న సంస్థ?

క్విక్‌ రివ్యూ   :
ఏమిటి    : వ్యాక్సిన్ల తయారీ దిగ్గజం బయోలాజికల్‌ ఈ (బీఈ)తో ఒప్పందం
ఎప్పుడు : అక్టోబర్‌ 25
ఎవరు    : అమెరికా అంతర్జాతీయ అభివృద్ధి ఫైనాన్స్‌ కార్పొరేషన్‌ (యూఎస్‌ ఇంటర్నేషనల్‌ డెవలప్‌మెంట్‌ ఫైనాన్స్‌ కార్పొరేషన్‌–డీఎఫ్‌సీ)
ఎక్కడ    : హైదరాబాద్, తెలంగాణ
ఎందుకు : బీఈ టీకాల ఉత్పత్తి సామర్థ్యాన్ని పెంచుకునేందుకు 50 మిలియన్‌ డాలర్ల (సుమారు రూ. 375 కోట్లు) నిధులు సమకూర్చేందుకు...

డౌన్‌లోడ్‌ చేసుకోండి: 
తాజా విద్యా సమాచారం, అన్ని రకాల పోటీ పరీక్షలకు సంబంధించిన కరెంట్‌ అఫైర్స్, స్టడీ మెటీరియల్‌తో పాటు తరగతులకు(అకాడెమిక్స్‌) సంబంధించిన స్టడీ మెటీరియల్‌ను పొందడానికి, కెరీర్‌ అవకాశాలను తెలుసుకోవడానికి సాక్షి ఎడ్యుకేషన్‌ యాప్‌ను ఇప్పుడే డౌన్‌లోడ్‌ చేసుకోండి.

యాప్‌ డౌన్‌లోడ్‌ ఇలా...
డౌన్‌లోడ్‌ వయా గూగుల్‌ ప్లేస్టోర్‌

Published date : 26 Oct 2021 05:46PM

Photo Stories