భారత్–జపాన్‌ 14వ వార్షిక శిఖరాగ్ర సమావేశాన్ని మార్చి 19న భారత రాజధాని నగరం న్యూఢిల్లీలో నిర్వహించారు. ఈ సందర్భంగా సమావేశమైన ప్రధాని నరేంద్ర మోదీ, జపాన్‌ ప్రధాని ఫ్యుమియో కిషిడా పలు కీలక అంశాలపై చర్చలు జరిపారు. ఇరువురు నేతలు ద్వైపాక్షిక సంబంధాలను మరింత సుదృఢం చేసుకునేందుకు గల అవకాశాలను చర్చించారు. సహజ ఇంధన వనరుల అభివృద్ధికి సంబంధించి భాగస్వామ్యాన్ని పెంచుకోవాలని నిర్ణయించారు. ఇరు దేశాల ప్రతినిధులు వివిధ రంగాల్లో సహకారానికి మరింత బలోపేతం చేసుకునేందుకు సంబంధించి ఆరు ఒప్పందాలపై సంతకాలు చేశారు. కిషిడా జపాన్‌ ప్రధాని అయిన తర్వాత ప్రధాని మోదీతో భేటీ అవడం ఇదే తొలిసారి.
Rupee-Rial Mechanism: భారత్‌కు చమురు సరఫరా చేసేందుకు సిద్ధమని ప్రకటించిన దేశం?
భారత్‌లో 3.2 లక్షల కోట్ల పెట్టుబడులు
భారత్–జపాన్‌ 14వ వార్షిక శిఖరాగ్ర భేటీ సందర్భంగా జపాన్‌ ప్రధాని కిషిడా మాట్లాడుతూ.. భారత్‌లో వచ్చే ఐదేళ్లలో రూ.3.2 లక్షల కోట్ల మేర పెట్టుబడులు పెట్టాలని లక్ష్యంగా పెట్టుకున్నట్లు ప్రకటించారు. ఉక్రెయిన్‌పై దాడి తీవ్రమైన అంశమని, ఈ చర్యతో అంతర్జాతీయ ప్రాథమిక సంప్రదాయాలను సైతం రష్యా తుంగలోకి తొక్కిందన్నారు. ప్రధాని మోదీ మాట్లాడుతూ.. అన్ని రంగాల్లో సహకారాన్ని విస్తృతం చేసుకోవాల్సిన అవసరాన్ని భారత్, జపాన్‌ గుర్తించాయని చెప్పారు. భారత్, జపాన్‌ల సంబంధాలు ఇండో–పసిఫిక్‌ ప్రాంతంలో శాంతి, సుస్థిరత, అభివృద్ధికి దోహదం చేస్తాయని ఇరువురు నేతలు పేర్కొన్నారు.
క్విక్‌ రివ్యూ :
ఏమిటి : భారత్–జపాన్‌ 14వ వార్షిక శిఖరాగ్ర సమావేశం
ఎప్పుడు : మార్చి 19
ఎవరు : భారత ప్రధాని నరేంద్ర మోదీ, జపాన్‌ ప్రధాని ఫ్యుమియో కిషిడా
ఎక్కడ : నూఢిల్లీ
ఎందుకు : ద్వైపాక్షిక సంబంధాలను మరింత సుదృఢం చేసుకునేందుకు గల అవకాశాలపై చర్చించేందుకు..
Security Concerns: ఏ దేశానికి చెందిన 54 యాప్‌లపై భారత్ నిషేధం విధించింది?
డౌన్‌లోడ్‌ చేసుకోండి:
తాజా విద్యా సమాచారం, అన్ని రకాల పోటీ పరీక్షలకు సంబంధించిన కరెంట్‌ అఫైర్స్, స్టడీ మెటీరియల్‌తో పాటు తరగతులకు(అకాడెమిక్స్‌) సంబంధించిన స్టడీ మెటీరియల్‌ను పొందడానికి, కెరీర్‌ అవకాశాలను తెలుసుకోవడానికి సాక్షి ఎడ్యుకేషన్‌ యాప్‌ను ఇప్పుడే డౌన్‌లోడ్‌ చేసుకోండి.
యాప్‌ డౌన్‌లోడ్‌ ఇలా..
డౌన్‌లోడ్‌ వయా గూగుల్‌ ప్లేస్టోర్‌
More Articles
Most Read
