India, Jamaica Relations: జమైకా ప్రధాని హోల్‌నెస్‌తో మోదీ ద్వైపాక్షిక సమావేశం

మోదీ మాట్ల‌డుతూ.. భారతదేశం జమైకా అభివృద్ధి పయనంలో విశ్వసనీయ భాగస్వామిగా ఉండాలని ప్రకటించారు. ఆయన వివిధ రంగాలలో, ముఖ్యంగా డిజిటల్ పబ్లిక్ ఇన్‌ఫ్రాస్ట్రక్చర్, జీవ ఇంధనం, కొత్త ఆవిష్కరణలు, ఆరోగ్యం, విద్య, వ్యవసాయం వంటి విభాగాలలో జమైకాతో నైపుణ్యాన్ని పంచుకోవడానికి సిద్ధంగా ఉన్నట్లు తెలిపారు.

ఈ సంద‌ర్భంగా.. మోదీ, ఆండ్రూ మధ్య విస్తృత చర్చలు జరిగాయి. ఈ చర్చల తర్వాత పీఎంవో ఒక మీడియా ప్రకటన విడుదల చేసింది.

ప్రాంతీయ, భౌగోళిక అంశాలు: ఇద్దరు దేశాధినేతలు పలు ప్రాంతీయ, భౌగోళిక అంశాలపై చర్చించారు. వివాదాలను చర్చల ద్వారా పరిష్కరించుకోవాలని, ప్రపంచ శాంతి కోసం కలిసి పనిచేయాలని అంగీకరించారు.

ఐక్యరాజ్యసమితి సంస్కరణలు: ఐక్యరాజ్యసమితిలోని భద్రతామండలంలో సంస్కరణలు అవసరమని రెండు దేశాలు ఏకాభిప్రాయంగా ఉన్నాయని మోదీ చెప్పారు.

రక్షణ రంగం: జమైకా సాయుధ దళాలకు శిక్షణ, సామర్థ్యాన్ని పెంచడం కోసం భారత్ ముందుంటుందని తెలిపారు.

సాధారణ సవాళ్లు: వ్యవస్థీకృత నేరాలు, మాదకద్రవ్యాలు, ఉగ్రవాదం వంటి సామాన్య సవాళ్లను ఇద్దరు దేశాలు ఎదుర్కొంటున్నాయి.

Bilateral Investment Treaty: ద్వైపాక్షిక పెట్టుబడి ఒప్పందం చేసుకున్న భారత్, ఉజ్బెకిస్తాన్

ఇతర భేటీలు: రాష్ట్రపతి ద్రౌపదీ ముర్ము, ఉప రాష్ట్రపతి జగదీప్ ధన్‌కడ్‌తో కూడా ఆండ్రూ హోల్‌నెస్ చర్చలు జరిపారు. అలాగే.. భాజపా జాతీయ అధ్యక్షుడు జేపీ నడ్డా ప్రారంభించిన ‘భాజపా గురించి తెలుసుకోండి’ కార్యక్రమంలో భాగంగా నడ్డాతో ఆండ్రూ భేటీ అయ్యారు.