Sakshi Education
సాక్షి, న్యూఢిల్లీ: వచ్చే ఏడాది జనవరి 18 నుంచి ఫిబ్రవరి 28 వరకు సికింద్రాబాద్ ఏవోసీ సెంటర్‌లో సైనిక నియామక ప్రక్రియ (రిక్రూట్‌మెంట్ ర్యాలీ) జరగనుంది.
యూనిట్ ప్రధాన కార్యాలయం కోటాలో భాగంగా సోల్జర్ టెక్ (ఏఈ), సోల్జర్ జనరల్ డ్యూటీ, సోల్జర్ ట్రేడ్‌‌సమెన్, ఔట్‌స్టాండింగ్ స్పోర్‌‌ట్సమెన్ (ఓపెన్ కేటగిరీ) విభాగాల్లో నియామకాలు నిర్వహించనున్నారు. ఔట్‌స్టాండింగ్ స్పోర్‌‌ట్సమెన్ (ఓపెన్ కేటగిరీ) విభాగం అభ్యర్థులు 2021 జనవరి 15న క్రీడా పరీక్ష కోసం ఏవోసీ సెంటర్‌లోని థాపర్ స్టేడియంలో ఉదయం 8 గంటల కల్లా పేర్లు నమోదు చేయించుకోవాలి. సోల్జర్ జనరల్ డ్యూటీ కేటగిరీ అభ్యర్థుల వయస్సు 17.5-21 సంవత్సరాల మధ్య ఉండాలి. సోల్జర్ టెక్ (ఏఈ), సోల్జర్ సీఎల్‌కే/ఎస్‌కేటీ-సోల్జర్ టీడీఎన్ విభాగాల అభ్యర్థుల వయస్సు 17.5-23 సంవత్సరాల మధ్య ఉండాలి. అయితే వచ్చే ఏడాది జనవరిలో కోవిడ్ పరిస్థితిని బట్టి నియామక ప్రక్రియ నిర్వహణపై తుది నిర్ణయం ఉండనుంది.
Published date : 16 Nov 2020 03:39PM
