TGCHE: ఉన్నత విద్యలో సమూల మార్పులు.. విద్యార్థులకు ప్రత్యేక స్టడీ మెటీరియల్‌ ఇలా..

మండలి రూపొందించిన డైరీ, కేలండర్‌ను జ‌న‌వ‌రి 6న‌ ఆయన ఆవిష్కరించారు. ఈ సందర్భంగా మాట్లాడుతూ, గ్రామీణ ప్రాంతాలకు చెందిన విద్యార్థులకు ఉపయుక్తంగా ఉండేలా ఈ స్టడీ మెటీరియల్‌ను అందుబాటులోకి తీసుకొస్తున్నామని చెప్పారు.

చదవండి: 56000 Jobs: కొత్త ఏడాదిలోనూ భారీగా నియామకాలు.. టీజీపీఎస్సీని పూర్తిగా ప్రక్షాళన.. ఈ తరహాలో ఉద్యోగ నియామకాలు

సబ్జెక్టుకు చెందిన ముఖ్యాంశాలు గ్రహించేలా, పరీక్షలకు సన్నద్ధం చేయడానికి ఈ స్టడీ మెటీరియల్‌ తోడ్పడుతుందని తెలిపారు. లోతైన అధ్యయనం చేసేవారి కోసం రెఫరెన్స్‌ పుస్తకాల వివరాలను సైతం ఈ స్టడీ మెటీరియల్‌లో పొందుపరుస్తామన్నారు.

పోటీపరీక్షల అభ్యర్థులు రూపొందించుకునే స్టడీ మెటీరియల్‌లా ఇది ఉంటుందన్నారు. డిగ్రీ కోర్సుల సిలబస్‌ను 30 శాతం చొప్పున మార్చాలని ఇప్పటికే మండలి నిర్ణయించిందని పేర్కొన్నారు. కాగా, పరిశోధనను ప్రోత్సహించేలా ఈ సిలబస్‌ను రూపొందిస్తున్నామని చెప్పారు.