పిల్లలు ఫిర్యాదు చేయగానే టీచర్ల అరెస్టు కాదు: హైకోర్టు కీలక వ్యాఖ్యలు

Sakshi Education

సాక్షి ఎడ్యుకేషన్: ఉపాధ్యాయులు మరియు బోధన సిబ్బందిపై విద్యార్థులు లేదా తల్లిదండ్రులు ఫిర్యాదు చేసిన వెంటనే అరెస్టు చేయకూడదని కేరళ హైకోర్టు స్పష్టం చేసింది. ముందుగా ప్రాథమిక దర్యాప్తు నిర్వహించి, నేరం జరిగినట్టు రుజువైన తర్వాత మాత్రమే చర్యలు తీసుకోవాలని పోలీసులకు ఆదేశాలు జారీ చేసింది.

kerala high court teacher arrest guidelines news

హైకోర్టు న్యాయమూర్తి జస్టిస్‌ పి.వి. కున్హికృష్ణన్ మాట్లాడుతూ, విద్యార్థులు స్కూళ్లకు ఆయుధాలు, మద్యం, డ్రగ్స్ వంటి ప్రమాదకర వస్తువులు తీసుకెళ్లే పరిస్థితుల్లో టీచర్ల రక్షణ కోసం తగిన చర్యలు అవసరమని పేర్కొన్నారు.

చదవండి: నైపుణ్యాల పెంపులో విద్యాసంస్థల కీలక పాత్ర: ప్రొఫెసర్‌ వి.బాలకిష్టారెడ్డి

టీచర్లపై దాడులు ఆపాల్సిన అవసరం

హైకోర్టు అభిప్రాయపడిన అంశాలు:
టీచర్లను విద్యార్థులు బెదిరించడం, ఘెరావ్ చేయడం, భౌతిక దాడులకు దిగడం ఆందోళన కలిగించే విషయం.
క్లాసురూమ్‌లలో బెత్తం వాడకమంటే నేరం కాదు, కానీ అది టీచర్ల చేతిలో ఉంటే విద్యార్థులు తప్పు చేసేందుకు జంకుతారు.
టీచర్లు చిన్నపాటి శిక్ష విధించడం నేరంగా పరిగణించకూడదు.

టీచర్లకు రక్షణ అవసరం

"బాగుపడాలనే ఉద్దేశంతో చిన్నపాటి మందలింపు చేసినా టీచర్లపై క్రిమినల్ కేసులు పెడుతున్నారు. ఇది మానవత్వపరంగా కూడా తగదు" అని న్యాయమూర్తి అన్నారు.
"అందరూ మంచి టీచర్లే అనడం లేదు. కొందరు తప్పు చేసే వారు ఉండొచ్చు. కానీ విద్యార్థులను నిజమైన మనుషులుగా తీర్చిదిద్దడంలో టీచర్ల పాత్రను మరిచిపోవద్దు."

ఈ తీర్పుతో టీచర్లపై అకారణంగా కేసులు పెట్టడాన్ని నిరోధించేలా పోలీసులు తగిన జాగ్రత్తలు తీసుకోవాల్సిన అవసరం ఏర్పడింది.