పంజగుట్ట (హైదరాబాద్‌): విద్య, పరిశోధన సంబంధిత అంశాల్లో పరస్పర సహకారం అందించుకునేందుకు హైదరాబాద్‌లోని Administrative Staff College of India (ASCI), వరంగల్‌లోని కాకతీయ విశ్వవిద్యాలయం మధ్య ఒప్పందం కుదిరింది.
‘అస్కీ’.. కేయూ మధ్య అవగాహన ఒప్పందం
ఈ మేరకు నవంబర్‌ 24న ఖైరతాబాద్‌లోని అస్కీలో అవగాహన ఒప్పందంపై సంతకాలు చేశారు. ఈ ఒప్పందం మూడేళ్ల పాటు అమల్లో ఉంటుందని అస్కీ డైరెక్టర్‌ జనరల్‌ డాక్టర్‌ నిర్మల్యా బాగ్చి, కాకతీయ వర్సిటీ రిజిస్ట్రార్‌ డాక్టర్‌ టి.శ్రీనివాసరావు తెలిపారు.
మొదట సైబర్ సెక్యూరిటీ, ట్రైబల్‌ వెల్ఫేర్, జోగినులు, ట్రాఫికింగ్‌ బారిన పడిన మహిళలకు జీవనోపాధి అవకాశాలను మెరుగుపరచడంపై అధ్యయనం చేయాలని నిర్ణయించారు. విద్యాసంబంధ అంశాలపై ఒప్పందం కుదుర్చుకున్నారు.
