దూరవిద్య... సుదూరం కానుందా ?

యూజీసీ (ఓడీఎల్) రెగ్యులేషన్స్-2017 :
వాస్తవానికి దూరవిద్యా విధానంపై యూజీసీ (ఓపెన్ అండ్ డిస్టెన్స్ ఎడ్యుకేషన్ లెర్నింగ్) రెగ్యులేషన్స్-2017 పేరుతో గతేడాది కొన్ని నిబంధనలు రూపొందించింది. వీటిలో మౌలిక సదుపాయాల నుంచి, ఫ్యాకల్టీ, పరీక్షల విధానం వరకు పలు అంశాలను పేర్కొంది. దీనిపై జాతీయ స్థాయిలో పలు యూని వర్సిటీలు సదరు నిబంధనల నుంచి సడలింపు ఇవ్వాలని యూజీసీని సంప్రదించాయి. న్యాక్ గుర్తింపు నుంచి కొంత కాలం మినహాయింపుతోపాటు 2017-18లో ప్రారంభించిన కోర్సు లు పూర్తయ్యే వరకు కొనసాగించొచ్చని ఉత్తర్వులు జారీ చేసింది. యూజీసీ(ఓడీఎల్) రెగ్యులేషన్స్-2017 ప్రకారం-యూనివర్సిటీలు.. దూర విద్య కోర్సుల పరీక్షలకు సెమిస్టర్ విధానాన్ని అనుసరించాలని, సీబీసీఎస్ విధానంవైపు దృష్టి పెట్టాలని పేర్కొంది. అదేవిధంగా ప్రతి కోర్సుకు యూనివర్సిటీ స్థాయిలో హెడ్ ఆఫ్ ది డిపార్ట్‌మెంట్‌ను, ఒక అసోసియేట్ ప్రొఫెసర్‌ను, ఇద్దరు అసిస్టెంట్ ప్రొఫెసర్లను నియమించాలని స్పష్టం చేసింది.

స్టడీ సెంటర్ల సమస్య :
ప్రస్తుతం దూర విద్య కోర్సులను అందిస్తున్న వర్సిటీలు.. ఎక్కువ మంది విద్యార్థులున్న ప్రాంతంలోని కళాశాలలో స్టడీ సెంటర్‌ను ఏర్పాటు చేసి.. ఆ కళాశాలలోని అధ్యాపకులనే డిస్టెన్స్ కోర్సులకు కూడా పార్ట్‌టైమ్ విధానంలో నియమించుకుంటున్నారు. కానీ ఇప్పుడు యూజీసీ నిబంధన కారణంగా స్టడీ సెంటర్లలో ఇలాంటి అవకాశం ఉండదు.

సంప్రదాయ డిగ్రీలకే...
దూరవిద్యా విధానానికి సంబంధించి యూజీసీ తాజా నిబంధనలను పరిశీలిస్తే.. ఈ విద్యా విధానం ఇకపై సంప్రదాయ డిగ్రీ లకే (బీఏ, బీకాం, బీఎస్సీ, ఎంఏ, ఎంకాం, ఎంఎస్సీ తదితర) పరిమితం కానుందా.. అనే సందేహం తలెత్తుతోంది. యూజీసీ తాజాగా ఆయా యూనివర్సిటీలకు అనుమతించిన కోర్సుల జాబితా కూడా ఈ సందేహాన్ని మరింత బలోపేతం చేస్తోంది. దీనికి సంబంధించి కొన్ని ఉదాహరణలు..

నిబంధనలు సడలించాలి...
దూరవిద్యా విధానం.. పూర్తిస్థాయిలో సమయం కేటాయించలేని విద్యార్థులు ఉన్నత విద్య కోర్సులు అభ్యసించేందుకు వీలు కల్పించే సాధనం. నాణ్యత ప్రమాణాల పేరుతో కొత్త నిబంధనలు రూపొందించడం ఆహ్వానించదగ్గదే. అయితే విద్యార్థుల అవసరాలను దృష్టిలో ఉంచుకొని నిబంధ నలను కొంతమేరకు సడలిస్తే బాగుం టుంది.
- ప్రొఫెసర్ చింతా గణేశ్, డెరైక్టర్, ప్రొఫెసర్ జి.రామిరెడ్డి సెంటర్ ఫర్ డిస్టెన్స్ ఎడ్యుకేషన్, ఉస్మానియ యూనివర్సిటీ.