MLA Jare Adinarayana: ఉపాధ్యాయుడిగా మారిన ఎమ్మెల్యే!
విద్యార్థుల్లో శాస్త్ర, సాంకేతిక రంగాలపై ఆసక్తి పెంచడంతో పాటు ప్రయోగాలను నేరుగా వివరించేలా హైదరాబాద్‌కు చెందిన ఓ సంస్థ ‘ఫ్యూచరిస్టిక్‌ ల్యాబ్‌ ఆన్‌ వీల్స్‌’(ఫ్లో బస్‌) పేరిట వాహనాన్ని రూపొందించింది.
సీఎం రేవంత్‌రెడ్డి ఇటీవల ఆవిష్కరించిన ఈ బస్సు తొలిసారి అశ్వారావుపేట నియోజకవర్గంలోని అన్నపురెడ్డిపల్లికి జూలై 10న వచ్చింది. ఈ సందర్భంగా సాంఘిక సంక్షేమ గురుకుల బాలుర కళాశాల ప్రాంగణంలో 8, 9, 10వ తరగతులు, ఇంటర్‌ విద్యార్థులకు ఎమ్మెల్యే ఆదినారాయణ స్వయంగా అత్యాధునిక సాంకేతిక పరిజ్ఞానం, అంతరిక్ష ప్రయోగాలు, పరికరాల పనితీరును వివరించారు.
చదవండి: AI Teacher at School: నెక్ట్‌స్‌ జెన్‌ స్కూల్‌లో రోబో టీచర్‌.. దీని పేరు..!
విద్యార్థులు ఆధునిక సాంకేతిక సామర్థ్యాలను అందిపుచ్చుకుంటే భవిష్యత్‌లో ఎదగొచ్చని సూచించారు. ఎంపీడీఓ మహాలక్ష్మి, తహసీల్దార్‌ జగదీశ్వర్‌ప్రసాద్, ఎంఈఓ సత్యనారాయణ, ఫ్లో బస్‌ సంస్థ సీఈఓ మధులాష్‌ బాబు తదితరులు పాల్గొన్నారు.