5 Days Schools and Colleges Holidays in August 2024 : ఈ నెలలో ఆ ఒక్కరోజు సెలవు తీసుకుంటే..వరుసగా 5 రోజులు సెలవులు.. ఎలా అంటే..?
దీంతో కేవలం స్కూల్, కాలేజీ పిల్లలకే కాదు.. ఉద్యోగులకు కూడా భారీగా సెలవులు దొరికే అవకాశం ఉంది. ఉద్యోగులు అయితే.. మధ్యలో ఒక్కరోజు సొంతంగా సెలవు పెట్టుకోగలిగితే మాత్రం.. వరుసగా ఐదు రోజుల పాటు సెలవులు రానున్నాయి.
వరుసగా 5 రోజుల పాటు సెలవులు ఎలా అంటే..?
ఆగస్టు 15వ తేదీ (గురువారం) స్వాతంత్య్ర దినోత్సవం రోజున స్కూళ్లు, కాలేజీలు, ఆఫీసులకు సెలవు ఉన్న విషయం తెల్సిందే. కొన్ని ప్రభుత్వ, ప్రైవేట్ ఆఫీసులకు, కాలేజీలకు అయితే ఆరోజును ముందే సెలవు ప్రకటించేస్తారు. కానుక ఆరోజు సెలవు కిందికే పరిగణలోకి వస్తుంది. ఆ తర్వాత రోజు ఆగస్టు 16న శ్రావణ శుక్రవారం వరలక్ష్మీ వ్రతం. ఆ రోజున చాలా వరకు స్కూళ్లు, ఆఫీసులకు సెలవు ప్రకటిస్తారు. దీంతో ఇప్పటికి 15, 16 రెండు రోజులు విద్యార్థులు, ఉద్యోగులకు వరుస సెలవులు రానున్నాయి.
ఎలాగూ ఆ రోజు సెలవే..
అలాగే.. ఆగస్టు 18వ తేదీన ఆదివారం కావటంతో ఎలాగూ ఆ రోజు సెలవే. ఇక ఆగస్టు 19వ తేదీన రాఖీ పౌర్ణమి సందర్భంగా ఆరోజు కూడా స్కూళ్లు, కాలేజీలు, ఉద్యోగులకు సెలవు ఇవ్వనున్నారు. దీంతో మరో రెండు రోజులు సెలవులు వస్తున్నాయి. అయితే.. 15, 16, 18, 19 ఎలాగు సెలవులు ఉన్నాయి. మధ్యలో ఆగస్టు 17వ తేదీ శనివారం ఆ ఒక్క రోజు మాత్రమే వర్కింగ్ డే ఉంటుంది. అది కూడా స్కూళ్లు, కాలేజీలు, కొన్ని కంపెనీలకు మాత్రమే. ఎలాగూ సాఫ్ట్వేర్ ఉద్యోగాలు శనివారం ఎలాగు వీకెండ్. అయితే.. 17 రోజున ఆఫీసు కానీ, స్కూళ్లు, కాలేజీలు ఉన్న వాళ్లు ఆ ఒక్క రోజున హాలీడే తీసుకుంటే.. వరుసగా 5 రోజులు సెలవులు కలిసి వస్తాయి.