Agriculture Counselling Schedule: వ్యవసాయ డిప్లొమా కోర్సుల్లో ప్రవేశాల కౌన్సెలింగ్‌ షెడ్యూల్ విడుదల
సాక్షి, హైదరాబాద్‌: ప్రొఫెసర్‌ జయశంకర్‌ తెలంగాణ రాష్ట్ర వ్యవసాయ విశ్వవిద్యాలయం(పీజేటీఎస్‌ఏయూ) పరిధిలోని పాలిటెక్నిక్‌ కళాశాలతో పాటు విశ్వవిద్యాలయం గుర్తింపు పొందిన ప్రైవేట్‌ పాలిటెక్నిక్‌ కళాశాలల్లో రెండేళ్ల వ్యవసాయం, సేంద్రియ వ్యవసాయ డిప్లొమా కోర్సు, మూడేళ్ల డిప్లొమాఇన్‌ అగ్రికల్చర్‌ ఇంజనీరింగ్‌ కోర్సుల్లో ప్రవేశాలకు జూలై 10వ తేదీ నుంచి కౌన్సెలింగ్‌ నిర్వహించనున్నట్లు పీజేటీఎస్‌ఏయూ రిజిస్ట్రార్‌ పి.రఘురామిరెడ్డి జూలై 5న ఒక ప్రకటనలో తెలిపారు.
ఈ కౌన్సెలింగ్‌ ప్రక్రియను రెండ్రోజుల పాటు విశ్వవిద్యాలయం ఆడిటోరియంలో నిర్వహించనున్నట్లు తెలిపారు. పాలీసెట్‌– 2024 ర్యాంకుల ఆధారంగా అభ్యర్థుల మెరిట్, రిజర్వేషన్‌ నిబంధనల ప్రకారం ప్రవేశాలు కల్పిస్తామని పేర్కొన్నారు.
చదవండి: Top 20 Engineering (Branch wise) Colleges in Telangana - Click Here
కౌన్సెలింగ్‌కు సంబంధించిన పూర్తిస్థాయి షెడ్యూల్, అభ్యర్థులు తీసుకురావలసిన సర్టిఫికెట్లు, ఫీజు తదితర వివరాల కోసం యూనివర్సిటీ వెబ్‌సైట్‌ www.pjtsau.edu.inను సంప్రదించాలని సూచించారు. యూనివర్సిటీ నిర్దేశించిన షెడ్యూల్ ప్రకారం ర్యాంకుల వారీగా అభ్యర్థులు కౌన్సెలింగ్‌కు హాజరుకావాలని కోరారు.
#Tags