ఎంసెట్-2017 సన్నద్ధతకు ఆన్‌లైన్ మాక్ టెస్ట్

ఆన్‌లైన్ విధానంలో ఎంసెట్-2017 ప్రవేశపరీక్షను ఎలా రాయాలో తెలిపే సవివర విషయ సూచికతోపాటు ఆన్‌లైన్ మాక్‌టెస్టును కూడా www.sche.ap.gov.in/eamcet వెబ్‌సైట్లో పొందుపరిచినట్లు సెట్స్ ప్రత్యేకాధికారి డాక్టర్. రఘునాధ్ తెలిపారు. ఏపీ ఎంసెట్-2017కు ఈనెల 9వ తేదీనుంచి దరఖాస్తుల ప్రక్రియ ప్రారంభం కాగా బుధవారం వరకు 12,492 దరఖాస్తులు అందాయి.

18నుంచి లాసెట్, 22నుంచి ఎడ్‌సెట్ దరఖాస్తులు: లాసెట్ దరఖాస్తులను ఈనెల 18 నుంచి ఆన్‌లైన్లో స్వీకరించనున్నారు. ఈ నోటిఫికేషన్ ఇప్పటికే విడుదలైన సంగతి తెలిసిందే. బీఈడీ కోర్సుల్లో ప్రవేశాలకు సంబంధించి ఎడ్‌సెట్ నోటిఫికేషన్ గురువారం విడుదలకానుంది. ఈ ప్రవేశపరీక్షకు ఆన్‌లైన్ దరఖాస్తులను ఈనెల 22వ తేదీనుంచి స్వీకరించనున్నారు.