Technology Development: ఈ ఇద్దరికీ పేటెంట్ మంజూరు.. కారణం..!
Sakshi Education
డేటా లింక్ బ్రిడ్జ్ టెక్నాలజీ అభివృద్ధికి పేటెంట్ మంజూరు చేసింది ఇండియన్ పేటెంట్ ఆఫీస్..
![Patent for these two for Data Link Bridge technology development](/sites/default/files/images/2024/04/19/vc-prasad-reddy-1713511999.jpg)
ఏయూ క్యాంపస్: ఆంధ్ర విశ్వవిద్యాలయం కంప్యూటర్ సైన్స్ ఇంజినీరింగ్ ఆచార్యులు డి.లలితభాస్కరి, పరిశోధక విద్యార్థి డాక్టర్ ఎస్.కె.ఎ.మనోజ్లకు ఇండియన్ పేటెంట్ ఆఫీస్ పేటెంట్ మంజూరు చేసింది. వారు కొత్తగా అభివృద్ధి చేసిన డేటా లింక్ బ్రిడ్జ్ టెక్నాలజీకి పేటెంట్ సాధించారు.
ఈ విధానంలో అత్యంత భద్రతలో సమాచారాన్ని పంపే అవకాశం ఉంటుంది. ఈ సందర్భంగా ఆచార్య లలిత భాస్కరిని ఏయూ వీసీ ఆచార్య ప్రసాదరెడ్డి తన కార్యాలయంలో గురువారం అభినందించారు. ఈ కార్యక్రమంలో రిజిస్ట్రార్ ఆచార్య ఎం.జేమ్స్స్టీఫెన్, డీపీఐఐటీ–ఐపీఆర్ చైర్ ప్రొఫెసర్ డాక్టర్ హనుమంతు పురుషోత్తం, తదితరులు పాల్గొన్నారు.
Published date : 19 Apr 2024 01:03PM