Free training: నిరుద్యోగులకు ఉచిత శిక్షణ.. ఎక్క‌డంటే?

Sakshi Education

పుట్టపర్తి టౌన్‌: గ్రామీణ ప్రాంత నిరుద్యోగ యువతకు జిల్లా గ్రామీణాభివృద్ధి సంస్థ–సిడాప్‌ అనంతపురం వారి ఆధ్వర్యంలో ఉచిత శిక్షణతో కూడిన ఉపాధి అవకాశాలు కల్పించనున్నారు.

: Vocational training session for unemployed youth in Puttaparthi District Rural Development Organization offering free job training in Puttaparthi Town Free training for the unemployed Rural youth participating in employment program by CIDAP Anantapuram

ఏఆర్‌టీపీ సిల్క్‌ కళాశాలలో రీటైల్‌ సేల్స్‌ సూపర్‌వైజర్‌, కంప్యూటర్‌, స్పోకెన్‌ ఇంగ్లిష్‌లో శిక్షణ ఇచ్చి ఉద్యోగ అవకాశాలు కల్పిస్తున్నట్లు డీఆర్‌డీఏ–సీడాప్‌ సంచాలకులు నరసింహారెడ్డి గురువారం ఓ ప్రకటనలో తెలిపారు. అభ్యర్థులు గ్రామీణ ప్రాంతాలకు చెందిన వారై ఉండి 18 నుంచి 26 సంవత్సరాల్లోపు వయస్సు ఉన్న వారు శిక్షణకు అర్హులని పేర్కొన్నారు. తప్పనిసరిగా ఇంటర్‌ ఉత్తీర్ణులై.. చదువు కొనసాగిస్తూ ఉండకూడదని వెల్లడించారు. ఆసక్తి గల అభ్యర్థులు ఒరిజినల్‌ సర్టిఫికెట్లతో పాటు ఆధార్‌కార్డు, రేషన్‌కార్డ్‌, ఉపాధిహామీ కార్డుతో అనంతపురములోని పంగల్‌ రోడ్డు వద్ద ఉన్న టీటీడీసీ శిక్షణ కేంద్రంలో సంప్రదించాలన్నారు. ఈనెల 15 నుంచి 18 వరకూ ఎంపికలు జరుగుతాయన్నారు. ఎంపికై న అభ్యర్థులకు 4 నెలల పాటు భోజన సదుపాయంతో కూడిన ఉచిత శిక్షణ, ఉద్యోగ అవకాశాలు కల్పిస్తున్నట్లు తెలిపారు. మరిన్ని వివరాలకు 86394 39804, 96408 99337, 80744 52233 నంబర్లకు సంప్రదించాలన్నారు.

చదవండి: Free Training: శిక్షణను సద్వినియోగం చేసుకోవాలి

Published date : 19 Feb 2024 10:12AM