నారాయణపేట రూరల్‌: నారాయణపేట మండలంలోని జాజాపూర్‌ జెడ్పీ స్కూల్‌ను కలెక్టర్‌ సిక్తాపట్నాయక్‌ మంగళవారం ఆకస్మికంగా తనిఖీ చేశారు. పాఠశాలలో కొనసాగుతున్న అభివృద్ధి పనులను సమీక్షించారు. ఆ తర్వాత 9, 10వ తరగతి గదులకు వెళ్లగా అక్కడ గణితం క్లాస్‌లు కొనసాగుతున్నాయి.
Job Mela: రేపు జాబ్‌మేళా.. 1500కు పైగా ఉద్యోగాలు, అర్హతలు ఇవే
వెంటనే ఆయా తరగతుల్లోని సమితులు, సాంఖ్యాకశాస్త్రం అధ్యాయాలకు సంబంధించిన లెక్కలను స్వయంగా తానే పిల్లలకు బోధిస్తూ.. తిరిగి పిల్లలతో మాదిరి ప్రశ్నలు వేసి బోర్డుపై చేయించారు. అదేవిధంగా పక్కనే ఉన్న ప్రాథమిక పాఠశాలలో సైతం పిల్లలతో ముచ్చటించి పాఠ్యాంశాలను బోధిస్తూ, వివిధ అంశాలను బోర్డుపై రాస్తూ జవాబులు రాబట్టారు.
Jobs In Medical College: వైద్య కాలేజీల్లో 607 పోస్టుల భర్తీకి ప్రభుత్వం అనుమతి
సుమారు రెండు గంటల పాటు కలెక్టర్‌ ఒక ఉపాధ్యాయురాలిగా వ్యవహరించారు. జాజాపూర్‌లోని అంగన్‌వాడీ కేంద్రాలను తనిఖీ చేశారు. కార్యక్రమంలో డీఈఓ అబ్దుల్‌ఘని, సెక్టోరియల్‌ అధికారి శ్రీనివాస్‌, జీహెచ్‌ఎం భారతి, పీఎస్‌ హెచ్‌ఎం నాగభూషణంగౌడ్‌ పాల్గొన్నారు.
More Articles
Most Read
