Sakshi Education
సాక్షి, న్యూఢిల్లీ: దేశవ్యాప్తంగా సెంట్రల్ బోర్డ్ ఆఫ్ సెకండరీ ఎడ్యుకేషన్ (సీబీఎస్‌ఈ) పదవ తరగతి, 12వ తరగతి పరీక్షల షెడ్యూల్‌ను ఫిబ్రవరి రెండో తేదీన ప్రకటించనున్నట్లు కేంద్ర విద్యా శాఖ మంత్రి రమేశ్ పోఖ్రియాల్ గురువారం తెలిపారు.
గతంలో సీబీఎస్‌ఈ పదవ తరగతి, 12వ తరగతి రాత పరీక్షలు మే 4 నుంచి జూన్ 10 వరకు జరుగుతాయని ప్రకటించగా, షెడ్యూల్‌ను మాత్రం వెల్లడించలేదు. మార్చి 1 నుంచి ప్రాక్టికల్ పరీక్షలను పాఠశాలలు నిర్వహించనున్నాయి. రాత పరీక్షలు పూర్తయిన తర్వాత జూలై 15న ఫలితాలను ప్రకటిస్తుందని రమేశ్ ప్రకటించారు. అయితే బోర్డు పరీక్షలకు విద్యార్థులను సిద్ధం చేసేందుకు అనేక పాఠశాలలు ఇప్పటికే ఆన్‌లైన్‌లో ప్రీ-బోర్డు పరీక్షలను నిర్వహించాయి.
Published date : 29 Jan 2021 03:38PM
