Sakshi Education
సాక్షి, హైదరాబాద్: పాలిటెక్నిక్ కాలేజీల అనుబంధ గుర్తింపునకు (అఫీలియేషన్) నోటిఫికేషన్‌ను రాష్ట్ర సాంకేతిక విద్యా, శిక్షణ మండలి (ఎస్‌బీటీఈటీ) విడుదల చేసింది.
వచ్చే నెల 7వ తేదీ వరకు కాలేజీ యాజమాన్యాలు ఆన్‌లైన్‌లో దరఖాస్తు చేసుకోవాలని పేర్కొంది. రూ.5 వేల ఆలస్య రుసుముతో వచ్చే నెల 13వ తేదీ వరకు దరఖాస్తు చేసుకోవచ్చంది. అదే నెల 16వ తేదీ నుంచి 31వ తేదీ వరకు తనిఖీలు చేపట్టి ఏప్రిల్ 20న అనుబంధ గుర్తింపు జారీ ప్రక్రియను ప్రారంభిస్తామని వివరించింది. ఇక గతేడాది మొత్తం 145 కాలేజీలుండగా, అందులో 92 ప్రైవేటు కాలేజీలు ఉన్నాయి. ప్రైవేటు కాలేజీల్లో ఈసారి ఐదారు కాలేజీలు మూతపడే అవకాశం ఉందని అధికారులు భావిస్తున్నారు. అవి క్లోజర్‌కు దరఖాస్తు చేసుకునే పరిస్థితి ఉందన్నారు.
Published date : 14 Feb 2020 03:53PM
