6 వేల అంగన్‌వాడీ భవనాలకు అనుమతి

అద్దె భవనాల్లో కొనసాగుతున్న కొన్నింటిలో కనీస సౌకర్యాలు లేక పిల్లలు ఇబ్బందులు పడుతున్నారు. వీటిని దృష్టిలో ఉంచుకుని మహిళా అభివృద్ధి, స్త్రీ శిశు సంక్షేమశాఖ ప్రభుత్వానికి గతేడాది ప్రతిపాదనలు పంపింది. వీటి నిర్మాణానికి తాజాగా పరిపాలన ఆమోదం తెలుపుతూ రాష్ట్ర ప్రభుత్వం నిర్ణయం తీసుకుంది. ఈ మేరకు మహిళా అభివృద్ధి, స్త్రీ శిశు సంక్షేమశాఖ ప్రధానకార్యదర్శి కె.దమయంతి ఉత్తర్వులు జారీ చేశారు. కావాల్సిన నిధులను కేంద్ర, రాష్ట్ర ప్రభుత్వాలు చెరి సగం భరించనున్నట్లు ఆ ఉత్తర్వులో పేర్కొన్నారు. ఈ భవనాలను పంచాయతీరాజ్ శాఖ నిర్మించనుందని తెలిపారు. ఒక్కో భవన నిర్మాణానికి రూ.2 లక్షలను కేటాయించనున్నట్టు పేర్కొన్నారు.

జిల్లాల వారీగా అంగన్‌వాడీ భవనాల వివరాలివి...

క్ర.సం.	జిల్లా	సంఖ్య
1.	శ్రీకాకుళం	317
2.	విజయనగరం	357
3.	విశాఖపట్నం	437
4.	తూర్పుగోదావరి	557
5.	పశ్చిమ గోదావరి	517
6.	కృష్ణా	557
7.	గుంటూరు	597
8.	ప్రకాశం	317
9.	ఎస్సీఎస్సార్ నెల్లూరు	397
10.	వైఎస్సార్‌కడప	397
11.	కర్నూలు	557
12.	అనంతపురం	477
13.	చిత్తూరు	516
	మొత్తం	6,000