ఎన్‌ఐటీలు.. కటాఫ్ ర్యాంకులు (జేఈఈ మెయిన్ 2015)

గత ఏడాది తొలిసారిగా జాయింట్ సీట్ అలొకేషన్ అథారిటీ నేతృత్వంలో ఐఐటీలు, ఎన్‌ఐటీలు, ఇతర కేంద్ర ప్రభుత్వ ఇన్‌స్టిట్యూట్‌లకు ఉమ్మడిగా వెబ్ బేస్డ్ కౌన్సెలింగ్ నిర్వహించారు. ఈ కౌన్సెలింగ్ విధానాన్ని పరిశీలిస్తే ఎన్‌ఐటీల విషయంలో నాలుగు రౌండ్లుగా కౌన్సెలింగ్ - సీట్ల కేటాయింపు జరిగింది. అభ్యర్థుల ప్రాథమ్యాల విషయానికొస్తే కోర్ బ్రాంచ్‌లే ముందంజలో నిలిచాయి. సంబంధిత వివరాలు..

ఫస్ట్ ఆప్షన్‌గా కంప్యూటర్ సైన్స్ అండ్ ఇంజనీరింగ్:
జేఈఈ మెయిన్ ర్యాంకర్లలో అధిక శాతం మంది కంప్యూటర్ సైన్స్ అండ్ ఇంజనీరింగ్ లేదా కంప్యూటర్ ఇంజనీరింగ్ కోర్సును ఎంపిక చేసుకోవడానికే మొగ్గు చూపారు. ఓపెన్ కేటగిరీ నుంచి రిజర్వ్‌డ్ కేటగిరీ వరకు అన్ని వర్గాల విద్యార్థులు సీఎస్‌ఈ/సీఈ బ్రాంచ్‌కే ప్రాధాన్యం ఇచ్చినట్లు స్పష్టమవుతోంది. కారణం.. ఈ బ్రాంచ్‌కు ఉన్న మార్కెట్ డిమాండ్, భవిష్యత్తు అవకాశాలే. ఈ కోర్సు పూర్తి చేసిన వారికి సాఫ్ట్‌వేర్ ప్రోగ్రామింగ్, అప్లికేషన్ వంటి విభాగాల్లో అద్భుత అవకాశాలు లభిస్తాయి. అందుకే ఈ బ్రాంచ్‌ను కొత్తగా ఏర్పాటైన నిట్‌లు సైతం అందిస్తున్నాయి.

నెక్స్ట్.. ఈసీఈ:
సీఎస్‌ఈ తర్వాత ఎక్కువ మంది అభ్యర్థులు ఆసక్తి చూపుతున్న బ్రాంచ్ ఎలక్ట్రానిక్స్ అండ్ కమ్యూనికేషన్. గత ఏడాది గణాంకాలే ఇందుకు నిదర్శనం. అయితే కొన్ని నిట్‌ల విషయంలో అభ్యర్థులు రవాణా, ఇతర మౌలిక సదుపాయాలను పరిగణనలోకి తీసుకుని ఈసీఈకి తొలి ప్రాధాన్యం ఇచ్చినట్లు తెలుస్తోంది. ఈ బ్రాంచ్ పూర్తి చేసిన విద్యార్థులకు ఇటు టెలికాం సంస్థలు, అటు సాఫ్ట్‌వేర్ సంస్థలు, కోర్ ఎలక్ట్రానిక్ ఉత్పత్తుల సంస్థలు.. ఇలా భిన్న రంగాల్లో అవకాశాలు లభిస్తాయి.

మూడో ప్రాధాన్యం ఈఈఈ:
నిట్ ఔత్సాహిక విద్యార్థుల్లో మూడో ప్రాధాన్యంగా ఎలక్ట్రికల్ అండ్ ఎలక్ట్రానిక్స్ ఇంజనీరింగ్ బ్రాంచ్ నిలుస్తోంది. ఈ బ్రాంచ్ పూర్తి చేసిన విద్యార్థులకు విద్యుదుత్పత్తి సంస్థలు, ఎలక్ట్రానిక్ ఉత్పత్తి సంస్థలు, మౌలిక రంగ పరిశ్రమలు.. ఇలా అన్ని విభాగాల్లోనూ భవిష్యత్తు అవకాశాలు పుష్కలంగా ఉంటాయనే అంచనాలే ఇందుకు కారణం.

సివిల్.. పూర్వ వైభవం:
ఎన్నో ఏళ్ల చరిత్ర ఉన్న సివిల్ ఇంజనీరింగ్ కూడా పూర్వ వైభవం పొందుతోంది. నిట్ క్యాంపస్‌లలో సివిల్ ఇంజనీరింగ్‌కు ప్రాధాన్యం ఇస్తున్న వారి సంఖ్య కూడా భారీగా ఉంటోంది. రవాణా, మౌలిక సదుపాయాల కల్పన దిశగా ప్రభుత్వ, ప్రైవేట్ రంగాల్లో చేపడుతున్న కార్యక్రమాలు, పథకాల కారణంగా భవిష్యత్తు ఉజ్వలంగా ఉంటుందనే అంచనాలే విద్యార్థులను ఈ దిశగా నడిపిస్తున్నాయని చెప్పొచ్చు. ఉన్నత విద్య కోణంలోనూ సివిల్ ఇంజనీరింగ్‌లో ప్రస్తుత పరిస్థితులకు సరితూగే విధంగా ఎంటెక్‌లో భిన్న స్పెషలైజేషన్స్ అందుబాటులోకి వచ్చాయి. ఇది కూడా బీటెక్ స్థాయిలో సివిల్ ఇంజనీరింగ్ పట్ల ప్రాధాన్యం పెరగడానికి కారణంగా పేర్కొనొచ్చు.

మెకానికల్.. పెరుగుతున్న ఆసక్తి:
జేఈఈ మెయిన్ ర్యాంకర్ల బ్రాంచ్ ఎంపిక పరంగా ఆదరణ పొందుతున్న మరో కోర్ బ్రాంచ్ మెకానికల్ ఇంజనీరింగ్. దేశంలో ఆటోమొబైల్ పరిశ్రమ విస్తరిస్తుండటం, ఉత్పత్తి రంగంలోనూ కొత్త పరిశ్రమల ఏర్పాటు పెరుగుతుండటం మెకానికల్ బ్రాంచ్ వెలుగులీనడానికి కారణంగా చెప్పొచ్చు. ఈ క్రమంలోనే విద్యార్థుల్లోనూ ఈ బ్రాంచ్ పట్ల ఆసక్తి పెరుగుతోంది. నిట్ వరంగల్, సూరత్‌కల్, తిరుచిరాపల్లి (త్రిచీ)లలో 500 నుంచి 600లోపు ర్యాంకులు ఓపెనింగ్ ర్యాంకులుగా నమోదవడమే ఇందుకు నిదర్శనం. మొత్తం మీద సీఎస్‌ఈ, ఈసీసీ, ఈఈఈ, సివిల్, మెకానికల్ ఈ అయిదు బ్రాంచ్‌లు ఎవర్‌గ్రీన్ బ్రాంచ్‌లుగా విద్యార్థుల్లో క్రేజ్ నింపుతూ సీట్ల భర్తీ, ఓపెనింగ్, క్లోజింగ్ ర్యాంకుల పరంగానూ ఇతర బ్రాంచ్‌లతో పోల్చితే ముందంజలో నిలుస్తున్నాయి. ఈ నేపథ్యంలో గత ఏడాది జాతీయ స్థాయిలో ఉన్న నిట్‌లలో ఓపెన్ కేటగిరీలో ఈ అయిదు బ్రాంచ్‌లలో నమోదైన ఓపెనింగ్ క్లోజింగ్ ర్యాంకుల వివరాలను పట్టికలో చూడొచ్చు.

గమనిక: నాలుగు రౌండ్లుగా నిర్వహించిన కౌన్సెలింగ్‌లో ఫస్ట్ రౌండ్‌లోని ఓపెనింగ్ ర్యాంకును; నాలుగో రౌండ్‌లోని క్లోజింగ్ ర్యాంకును ఓపెనింగ్, క్లోజింగ్ ర్యాంకులుగా గుర్తించడం జరిగింది. ప్రతి ఇన్‌స్టిట్యూట్‌కు ఆ ఇన్‌స్టిట్యూట్ ఉన్న రాష్ట్ర విద్యార్థులకు 50 శాతం సీట్లు హోం స్టేట్ కోటా కింద అందుబాటులో ఉంటాయి. ఆల్ ఇండియా ర్యాంకు ఆధారంగా అదర్ స్టేట్ కోటా కింద భర్తీ చేసిన సీట్లు, వాటికి సంబంధించి ఓపెనింగ్-క్లోజింగ్ ర్యాంకులు ఇవి. గత ఏడాది కొన్ని ఇన్‌స్టిట్యూట్‌లలో సీట్లు మిగిలిన కారణంగా స్పాట్ రౌండ్ కౌన్సెలింగ్‌ను కూడా నిర్వహించారు.

నిట్ - వరంగల్‌లో ట్రెండ్ ఇలా:
తెలంగాణ రాష్ట్రంలోని నేషనల్ ఇన్‌స్టిట్యూట్ ఆఫ్ టెక్నాలజీ - వరంగల్ క్యాంపస్ కూడా ఔత్సాహిక విద్యార్థులకు బెస్ట్ ఆప్షన్‌గా నిలుస్తోందని గత ఏడాది ఓపెనింగ్, క్లోజింగ్ ర్యాంకుల గణాంకాలు స్పష్టం చేస్తున్నాయి. 50 శాతం హోం స్టేట్ కోటా కింద తెలంగాణ విద్యార్థులకు లభించే సీట్లతోపాటు అదర్ స్టేట్ కోటాలో లభించే సీట్లకు సైతం బెస్ట్ ర్యాంకర్లు పోటీ పడినట్లు స్పష్టమవుతోంది. జేఈఈ మెయిన్ ర్యాంకు ఆధారంగా నిట్- వరంగల్ క్యాంపస్‌లో అందుబాటులో ఉన్న బ్రాంచ్‌లలో హోం స్టేట్, అదర్ స్టేట్ కోటా పరిధిలో ఓపెనింగ్ క్లోజింగ్ ర్యాంకుల వివరాలు..

బ్రాంచ్	హోం స్టేట్		అదర్ స్టేట్
	ఓఆర్	సీఆర్	ఓఆర్	సీఆర్
సీఎస్‌ఈ	293	1188	56	1896
ఈసీఈ	367	1761	1063	3567
ఈఈఈ	2052	2969	1347	5168
మెకానికల్	460	2977	586	4566
సివిల్	2337	4285	3393	8958
మెటలర్జికల్	9900	11739	8740	17125
కెమికల్	4394	7197	3314	12908
బయోటెక్నాలజీ	7728	16416	7342	20735

నిట్ - ఆంధ్రప్రదేశ్‌లో సీఎస్‌ఈదే హవా:
గత ఏడాది నుంచే ప్రారంభమైన నిట్ - ఆంధ్రప్రదేశ్‌లో కూడా ఇటు హోం స్టేట్ కోటా, అటు అదర్ స్టేట్ కోటాలో సీఎస్‌ఈ, ఈసీఈ బ్రాంచ్‌ల సీట్లే ముందుగా భర్తీ అయ్యాయి. కొత్త ఇన్‌స్టిట్యూట్ అయినప్పటికీ ఓపెనింగ్ ర్యాంకులను పరిశీలిస్తే కోర్ బ్రాంచ్‌ల్లో జాతీయ స్థాయిలో 15 వేల ర్యాంకులలోపు అభ్యర్థులు ఈ క్యాంపస్‌ను ఆప్షన్‌గా ఎంపిక చేసుకున్నారు. దీనికి సంబంధించి బ్రాంచ్‌ల వారీగా వివరాలు..

బ్రాంచ్	హోం స్టేట్		అదర్ స్టేట్
	ఓఆర్	సీఆర్	ఓఆర్	సీఆర్
సీఎస్‌ఈ	2546	10930	1345	13632
ఈసీఈ	3391	13927	7726	16406
ఈఈఈ	7864	18179	12022	23281
మెకానికల్	11298	18356	3335	20558
సివిల్	10024	21261	12760	25495
మెటలర్జికల్	19663	31986	19388	33652
కెమికల్	10480	26817	15942	26253
బయోటెక్నాలజీ	20288	37758	20230	34930

గత ఏడాది ఎన్‌ఐటీల్లో ఓపెనింగ్, క్లోజింగ్ ర్యాంకుల వివరాలు (ఓపెన్ కేటగిరీ)

ఎన్‌ఐటీ					బ్రాంచ్‌లు
	సీఎస్‌ఈ		ఈసీఈ		ఈఈ/ఈఈఈ		సివిల్		మెకానికల్
	ఓఆర్	సీఆర్	ఓఆర్	సీఆర్	ఓఆర్	సీఆర్	ఓఆర్	సీఆర్	ఓఆర్	సీఆర్
భోపాల్	2284	7436	5170	9222	7047	11490	9064	14094	5756	11077
జైపూర్	732	4860	1992	7735	3597	9926	7521	13834	3652	7819
అలహాబాద్	1043	3330	2556	5715	3531	7805	5727	11844	3000	6156
అగర్తల	9140	24356	14477	27544	16041	28650	15421	32354	10348	25385
కాలికట్	1295	3422	2457	4106	3650	6668	6420	11121	3246	5947
ఢిల్లీ	1069	4588	1640	5616	4486	9158	-	-	-	-
దుర్గాపూర్	4385	11202	5260	12637	7941	14654	11553	15884	7508	13260
గోవా	4113	11341	7599	13158	9755	14758	-	-	-	-
హమీర్‌పూర్	5780	13398	9144	15651	10971	16797	10133	18503	10036	15594
సూరత్‌కల్	289	1795	1030	2670	1091	4302	3453	6797	183	4353
మేఘాలయ	8875	28684	17319	31982	820	32980	19669	33617	20148	31054
నాగాలాండ్	7974	32742	22098	33880	19858	34555	-	-	-	-
పాట్నా	5729	17211	11093	19490	12247	20013	14429	21312	12038	18731
పుదుచ్చేరి	5842	12767	6850	13289	8809	15036	-	-	9626	15387
రాయ్‌పూర్	5525	13009	9602	15983	10869	16376	13235	17922	8927	15421
సిక్కిం	13338	26680	18258	30768	19218	30859	22967	32069	13656	30131
అరుణాచల్ ప్రదేశ్	11140	25990	19153	31920	11396	31647	17149	32933	14893	27527
జెంషెడ్‌పూర్	4866	11409	5910	13155	8300	15235	12019	17442	7549	14421
కురుక్షేత్ర	2710	6985	5346	10471	8366	12434	8587	14843	4684	10789
మణిపూర్	7842	30187	18692	32624	24060	33507	20640	34150	22239	30550
మిజోరాం	18301	31833	23242	34160	19946	33965	23975	34896	22641	32793
రూర్కెల	2218	5788	4056	6656	5448	9576	7613	13278	3214	7914
సిల్చార్	3737	22606	14942	25229	13749	26369	18429	28408	15288	22939
శ్రీనగర్	7089	23189	14959	27756	15993	27168	16835	29815	16885	24302
త్రిచీ	92	1213	637	1792	1104	3213	2711	6598	582	3733
ఉత్తరాఖండ్	8684	19585	13671	22359	11614	23611	16392	23759	13363	21378
సూరత్	1832	8460	5592	9479	7268	11922	9706	14901	3331	11128
నాగ్‌పూర్	1696	4663	2256	5214	4732	6779	6967	11481	3523	6887
జలంధర్	5780	11213	9144	12714	10971	13996	10133	16545	10036	14235