Question
ఆప్షనల్స్‌ ప్రిపరేషన్‌లో ఎటువంటి జాగ్రత్తలు తీసుకోవాలి?
నోటిఫికేషన్‌లో చాప్టర్లవారీగా ఇచ్చిన సిలబస్‌ ప్రకారం.. ఏ చాప్టర్‌లో ఏఏ అంశాలు ఉన్నాయో వాటినే బాగా చదవాలి. చదివే సమయంలోనే ముఖ్యాంశాలను పాయింట్లుగా రాసుకోవాలి. ఆప్షనల్‌ సిలబస్‌ బ్యాచిలర్‌ డిగ్రీ స్థాయికి కాస్త ఎక్కువగా ఉంటుంది. కాబట్టి సంబంధిత అంశాల మేరకు పీజీ లేదా రిఫరెన్స్‌ పుస్తకాలు కూడా చదవాలి. గత మూడేళ్ల ప్రశ్నపత్రాన్ని బాగా అధ్యయనంతో ప్రశ్నల శైలి, క్లిష్టత స్థాయి తెలుస్తుంది. ఇన్‌స్టంట్‌ మెటీరియల్‌ (గైడ్ల) కు బదులు అకడమిక్‌ పుస్తకాలు ఆప్షనల్‌ ప్రిపరేషన్‌కు బాగుంటాయి. అవసరం అనుకుంటే ఆ సబ్జెక్ట్‌లో రిఫరెన్స్‌ పుస్తకాలు తిరగేయాలి. ఆప్షనల్‌ సబ్జెక్టులు చదువుతున్నప్పుడే రాయడాన్ని కూడా ప్రాక్టీస్‌ చేయాలి. చదవడానికి కేటాయించే మొత్తం సమయంలో 60 శాతం ఆప్షనల్స్‌కు కేటాయించుకోవాలి. ఎక్కువ పుస్తకాలు రిఫర్‌ చేసే బదులు పరిమిత పుస్తకాలు బాగా చదువుకోవాలి. సమాచార సేకరణకు ఎక్కువ సమయాన్ని వెచ్చించకూడదు.
