సర్వీస్‌ సెలక్షన్‌ బోర్డ్‌ ఇంటర్వ్యూ ఏవిధంగా ఉంటుంది?

రాత పరీక్షలో ఉత్తీర్ణత సాధించిన అభ్యర్థులు అంతకంటే కఠినమైన ప్రక్రియను ఎస్‌ఎస్‌బీ ఇంటర్వ్యూ రూపంలో ఎదుర్కోవాల్సి ఉంటుంది. ఇందులో సిట్యుయేషన్‌ రియాక్షన్‌ టెస్ట్‌; థిమాటిక్‌ అప్రిసియేషన్‌ టెస్ట్‌; వర్డ్‌ అసోసియే షన్‌ టెస్ట్‌; గ్రూప్‌ టెస్ట్‌ పేరిట అభ్యర్థుల్లోని మానసిక సామర్థ్యాన్ని, ధైర్య సాహసాలను పరీక్షిస్తారు. ఈ ప్రక్రియ అంతా దాదాపు ఐదారురోజులపాటు సాగుతుంది. ఈ ప్రక్రియలో అభ్యర్థులు ఎదుర్కోవాల్సిన అంశాలు:

సిట్యుయేషన్‌ రియాక్షన్‌ టెస్ట్‌: నిర్ణీత సంఘటనలకు సంబంధించి 60 ప్రశ్నలు అడుగుతారు. కేవలం 30 నిమిషాల్లో వాటికి సరైన పరిష్కారం కనుక్కోవాలి
థిమాటిక్‌ అప్రిసియేషన్‌ టెస్ట్‌: అభ్యర్థికి 12 దృశ్యాలను చూపిస్తారు. వాటికి సరితూగే విధంగా 36 నిమిషాల్లో ఒక కథ రూపొందించాలి.

వర్డ్‌ అసోసియేషన్‌ టెస్ట్‌: ఇందులో అభ్యర్థికి మొత్తం 60 పదాలిస్తారు. ప్రతి పదాన్ని ఆధారం చేసుకుంటూ 60 అర్థవంతమైన వాక్యాలు రూపొందించాల్సి ఉంటుంది. ఒక్కో పదానికి కేటాయించే సమయం కేవలం పదిహేను సెకన్లు.

గ్రూప్‌ టెస్ట్‌: ఎనిమిది నుంచి పదిమంది అభ్యర్థుల మధ్యలో జరిగే గ్రూప్‌ టెస్ట్‌లో నిర్ణీత సంఘటనలకు సంబంధించి ప్లానింగ్‌, డిస్కషన్‌, డిబేట్స్‌ ఉంటాయి.