దీనివల్ల అభ్యర్థులు రియల్‌ ఎగ్జామ్‌లో ఎలాంటి ఇబ్బంది లేకుండా పరీక్ష రాయగలరు. మీరు రాస్తున్నది ప్రాక్టీస్‌ టెస్ట్‌గా కాకుండా, నిజమైన పరీక్షే అనుకుని రెండు గంటల సమయం పెట్టుకుని దాని ప్రకారం రాయండి. దీనివల్ల పరీక్షలో ఎలాంటి ఒత్తిడి ఉండదు. ప్రాక్టీస్‌ టెస్ట్‌ రాసిన తర్వాత ఈ కింది అంశాలను పరిశీలించాలి. అవి..
• ఎన్ని ప్రశ్నలకు ఖచ్చితమైన సమాధానం తెలుసు?
• ఎన్ని ప్రశ్నలకు సమాధానం తెలియదు?
• సమాధానాలు గుర్తించడంలో ఎక్కడ ఇబ్బంది పడ్డారు?
• ఎన్ని ప్రశ్నలకు జవాబులు ఊహించాల్సి వచ్చింది?
• అంచనా ప్రకారం గుర్తించిన ప్రశ్నల్లో ఎన్ని సరైన సమాధానాలు?!!
తద్వారా మన బలాలు, బలహీనతలపై అవగాహన వస్తుంది.
ఈ సమయం సరిపోతుంది..
సమయం తక్కువగా ఉందని అభ్యర్థులు ఆందోళన చెందవద్దు. ప్రిలిమ్స్‌ రాసే ప్రతి అభ్యర్థి మీలాగే ఆలోచిస్తారని గుర్తుంచుకోండి. తక్కువ సమయంలో ఎలా ప్రిపేర్‌ అవ్వాలో, అందుకు ఎన్ని ప్రత్యామ్నాయాలు ఉన్నాయో గుర్తించి.. అందులో మీకు అనువైన మార్గాన్ని అనుసరించండి. సిలబస్‌లో మీరు కవర్‌ చేయని అంశాలపై ఎక్కువగా దృష్టి పెట్టండి. సిలబస్ ప్రకారం నోట్స్‌ రాసుకొని ప్రిపరేషన్ సాగిస్తే.. విజయం సొంతమవుతుంది. ముఖ్యంగా ఈ తక్కువ సమయంలో ఎక్కువ ప్రాక్టీస్‌ పేపర్లకు సమాధానాలు గుర్తించడం ద్వారా సమయ పాలనతో పాటు ఏ విభాగంలో వెనుకబడ్డారో గుర్తించి, అందుకు తగ్గట్టుగా ప్రాక్టీస్‌ను మార్చుకునేందుకు అవకాశం ఉంటుంది.
– వి.గోపాలకృష్ణ, బ్రెయి¯Œన్‌ ట్రీ ఐఏఎస్‌ అకాడమీ డైరెక్టర్‌
