ఇంటర్వ్యూకు వెళ్లే ముందు దేనిపై దృష్టి సారించాలి? ఏయే అంశాల్లో ప్రశ్నలు అడగొచ్చు?

మెయిన్స్ పరీక్ష అప్లికేషన్‌ ఫాంలో పూరించిన అన్ని అంశాలపై మీకు సమగ్ర అవగాహన ఉండాలి. ఉగ్రవాదాన్ని ఎలా ఎదుర్కోవాలి అని బోర్డు ప్రశ్నించినపుడు.. యుద్ధం చేసి ఆరికట్టవచ్చు లాంటి దుడుకు సమాధానాలు చెప్పకూడదు. యుద్ధం చేయడం సమస్యకు పరిష్కారం కాదంటూనే.. అణ్వాయుధాలు ఉన్న పాకిస్థాన్‌పై అంతర్జాతీయ సమాజం నుంచి ఒత్తిడి తీసుకువచ్చి తీవ్రవాద సంస్థలు, శిక్షణాకేంద్రాలపై నిఘా ఉంచాలి అని చెబితే బోర్డును ఆకట్టుకోవచ్చు.
ప్రాంతం: మీ ప్రాంతానికి సంబంధించిన సమాచారం అంటే భౌగోళిక స్వరూపం, చరిత్ర, ఎకానమీ... లాంటి అంశాలపై అవగాహన ఉండాలి. ప్రసిద్ధ కట్టడాలు, ఉద్యమాలు, నదులు, ప్రాంతీయ సమస్యలు తదితర అంశాలు తెలుసుకోవాలి.

ఇంటిపేరు: మీ ఇంటిపేరుతో ఉన్న ప్రముఖ వ్యక్తులకు సంబంధించిన సమాచారంతోపాటు.. మీ ఆర్థిక, సామాజిక నేపథ్యం, తల్లిదండ్రుల వృత్తి వంటి వాటిపై అవగాహన ఉండాలి.

హాబీస్‌: ఉదాహరణకు సినిమాలను హాబీగా రాసిన ఆంధ్రప్రదేశ్‌ వ్యక్తిని ఎన్టీఆర్‌, చిరంజీవి గురించి పోల్చి చెప్పమనడం, సినిమా వ్యక్తుల రాజకీయ ప్రవేశం గురించి మీ ఉద్దేశాన్ని తెలుసుకోవడం, ఆంధ్రలో సినిమా హీరోలను ఎందుకు ఆరాధిస్తారో చెప్పమనడమో, సినిమాల ప్రభావం రాజకీయూలపై ఏమేరకు ఉంటుంది అని ప్రశ్నిం శవచ్చు.

అకడమిక్‌ బ్యాక్‌గ్రౌండ్‌: డిగ్రీ స్థాయిలో చదివిన కోర్సుల్లో వస్తున్న మార్పులు... సివిల్స్‌ను ఎంచుకోవడానికి కారణం, ఆప్షనల్స్‌ ఎంచుకో వడానికి కారణాలు.

సర్వీస్‌ ఆప్షన్స్‌: మీరు ఏ సర్వీసును ఎంచుకున్నారు.. దానికి కారణాలు... ఎంచుకున్న సర్వీసుకు సంబంధించిన సమాచారం తెలిసుం డాలి.

సెల్ఫ్‌చెక్‌: ఇంటర్వ్యూలో అడిగే అవకాశం ఉన్న ప్రశ్నలు.. దానికి మీరు చెప్పే సమాధానం.. మీ ఆన్సర్‌పై బోర్డు అడిగే అనుబంధ ప్రశ్నలను ఊహించుకొని ప్రిపేరైతే జవాబుల్లో స్పష్టత ఉంటుంది.

కరెంట్‌ అఫైర్స్‌: ఈ విభాగంలో అడిగే ప్రశ్నలు మీ విశ్లేషణా సామ ర్థ్యాన్ని పరిశీలించే విధంగా ఉంటాయి. రాష్ట్ర, దేశ, ప్రపంచ స్థాయిలో జనజీవనంతో ముడిపడిన అంశాలతోపాటు రాజకీయ, సామాజిక, ఆర్థిక అంశాలపై ప్రశ్నలు ఉంటాయి. మన రాష్ట్రానికి సంబంధించి తెలంగాణ సమస్య, ఎస్సీల వర్గీకరణ, సత్యం కుంభకోణం, రాష్ట్రంలో అమలులో ఉన్న వివిధ సంక్షేమ పథకాలు, సాగునీటి ప్రాజెక్టులు, ఫీ రీఎంబర్స్‌మెంట్‌, రాష్ట్ర బడ్జెట్‌, రాజీవ్‌ ఆరోగ్యశ్రీ, 108, 104... ఇలా దేని గురించైనా అడగొచ్చు. ఎన్నికల హామీలు.. రాష్ట్ర రాజకీయూలు.. వివిధ జాతీయ రాజకీయ పార్టీలు-పొత్తులు, ఉగ్రవాదం, ఆర్థిక మాంద్యం, కార్పొరేట్‌ గవర్నెన్స్‌, సైన్స్‌ అండ్‌ టెక్నాలజీ... తదితర అంశాలపై ప్రశ్నించొచ్చు.

ట్రెండ్‌ మారుతోంది...
ఇటీవలి కాలంలో యుపీఎస్‌సీ ఇంటర్వ్యూ విధానంలో మార్పులు వచ్చాయి. ఆ ప్రశ్నల సరళి ఇలా ఉంటోంది.. మీ జీవిత లక్ష్యాలు బలాలు, బలహీనతలు, సర్వీసుకు ఎంపికైతే ఎలాంటి పనులు చేస్తారు? కెరీర్‌ అంటే కేవలం డబ్బేనా? కెరీర్‌కు మీరిచ్చే నిర్వచనం.. పదేళ్ల తర్వాత మిమ్మల్ని మీరు ఎలా చూసుకోవాలనుకుంటున్నారు? ఇలాంటి ప్రశ్నలడుగుతున్నారు.

సహనాన్నీ పరీక్షిస్తారు...
కొంతమంది కనీసం మూడుసార్లు పరీక్షరాస్తే గానీ ఇంటర్వ్యూ వరకు రాలేరు. మూడేళ్లు చదివితే గానీ ఇంటర్వ్యూ వరకు రాలేకపో యూవా? అని ప్రశ్నిస్తారు. ఇలాంటి ప్రశ్నలు మిమ్మల్ని తక్కువచేసి చూడటానికి కాదు. మీలో సహనం ఎలా ఉంది? ఓపికెంత? ఒత్తిడిని తట్టుకోగలరా? ఇవన్నీ పరిశీలించడానికే.

మీరూ అడగొచ్చు...
ఒక్కోసారి ఇంటర్వ్యూ ఆఖరులో ఏదైనా ప్రశ్న అడగమని బోర్డు కోరుతుంది. మీరడిగే ప్రశ్న బోర్డు సభ్యుల అపార అనుభవం నుంచి మీరు నేర్చుకోవడానికి తోడ్పడేలా ఉండాలి. దేశంలోనే అత్యున్నత సివిల్‌ సర్వెంట్‌లను ఎంపిక చేసే బోర్డులో సభ్యులు కావడం పట్ల మీరు ఎలా ఫీలవుతున్నారు? లాంటి ప్రశ్నలు అడగొచ్చు. అంతేకానీ మీ తెలివితేటలను ప్రదర్శించుకునేలా ప్రశ్నలు ఉండకూడదు.

డ్రెస్సింగ్‌..
అబ్బాయిలైతే ముదురు రంగు ప్యాంటు, లేతరంగు షర్టు వేసుకుంటే మంచిది. పాలిష్‌ చేసిన నలుపు లేదా బ్రౌన్‌ రంగు బూట్లు ధరించొచ్చు. అమ్మాయిలైతే చీరలే మంచిది. సెంట్లు వాడకపోవడమే శ్రేయస్కరం. డ్రెస్సింగ్‌ కోసం ఎక్కువ సమయూన్ని వృథా చేయొద్దు. 1973 ఇంటర్వ్యూలో ఆర్‌బీఐ గవర్నర్‌ దువ్వూరి సుబ్బారావు వేసు కున్న తెల్లరంగు చొక్కాపై సుమారు 20 నిమిషాలు ఇంటర్వ్యూ సాగింది.

మాక్‌ ఇంటర్వ్యూలకు హాజరవ్వాలి:
మీలోని లోపాలను విశ్లేషించి సలహా ఇచ్చే వారి దగ్గరికే మాక్‌ ఇం టర్వ్యూలకు వెళ్లాలి. నిపుణులు, సీనియర్లు ఇచ్చిన సలహా పాటిం చాలి. వార్తాపత్రికలు, టీవీల్లోని విశ్లేషణల్లో అంశాలను విశ్లేషిం చుకుంటూ... ప్రతి అంశంపై మీకంటూ ఒక సొంత అభిప్రాయాన్ని ఏర్పరచుకోవాలి. బాడీలాంగ్వేజ్‌, భాషపై మరీ ప్రత్యేకమైన శ్రద్ధ అవ సరం లేదు. ఒరిజినాలిటీ ముఖ్యం.