హ్యాకింగ్, సైబర్‌ దాడులు వంటి రిస్కులే ఏఐ వినియోగానికి అతి పెద్ద సవాళ్లుగా ఉంటున్నాయని ఒక సర్వేలో 92% మంది భారతీయ ఎగ్జిక్యూటివ్‌లు అభిప్రాయపడ్డారు. ఇందుకు ప్రైవసీ రిస్కులు కారణమని 91% మంది, నియంత్రణపరమైన అనిశ్చితి కారణమని 89% మంది తెలిపారు.
డెలాయిట్‌ ఏషియా పసిఫిక్‌ రూపొందించిన ‘ఏఐ ఎట్‌ క్రాస్‌రోడ్స్‌’ నివేదికలో ఈ అంశాలు వెల్లడి అయ్యాయి. ఏఐ సంబంధ రిస్కులను ఎదుర్కొనడంలో తమ సంస్థలకు తగినంత స్థాయిలో వనరులు లేవని 50 శాతం మంది పైగా టెక్‌ వర్కర్లు తెలిపారు.
చదవండి: IT Companies : ఈ నివేదిక ప్ర‌కారం.. ఇక ఐటీ కంపెనీలు, ఉద్యోగుల ప‌రిస్థితి ఇంతేనా..!
గవర్నెన్స్‌పరంగా పటిష్టమైన విధానాలను పాటించడం, నిరంతరం కొత్త సాంకేతికతల్లో శిక్షణ పొందాల్సిన అవసరాన్ని ఇది తెలియజేస్తోందని డెలాయిట్‌ వివరించింది. అయితే, ఏఐ వినియోగంపై ఆశావహ భావం కూడా ఉన్నట్లు పేర్కొంది.
| ▶ Join our WhatsApp Channel: Click Here ▶ Join our Telegram Channel: Click Here |
▶ Follow our YouTube Channel: Click Here ▶ Follow our Instagram Page: Click Here |
నైతిక విలువలతో వినియోగించేందుకు 60% మంది ఉద్యోగులకు నైపుణ్యాలు ఉన్నాయని, ఉద్యోగాల్లో నైపుణ్యాలపరంగా ఉన్న అంతరాలను తొలగించేందుకు 72% సంస్థలు క్రియాశీలకంగా పని చేస్తున్నాయని నివేదిక వివరించింది. 13 మార్కెట్లవ్యాప్తంగా 900 మంది సీనియర్‌ ఎగ్జిక్యూటివ్‌లు ఈ సర్వేలో పాల్గొన్నారు.
