ఇగ్నో ప్రవేశ దరఖాస్తుల గడువు ఆగస్టు 31 వరకుపెంపు

సర్టిఫికెట్, పీజీ సర్టిఫికెట్, డిప్లొమా, పీజీ డిప్లొమా, డిగ్రీ, పీజీ ప్రోగ్రాములలో చేరడానికి ఆగస్టు 31వ తేదీ వరకు గడువు పొడిగించినట్లు ఇగ్నో హైదరాబాద్ ప్రాంతీయ కేంద్రం డెరైక్టర్ డాక్టర్ ఎస్.ఫయాజ్ అహ్మద్ సోమవారం ఒక ప్రకటనలో తెలిపారు. ఈ ప్రోగ్రాములలో ప్రవేశం పొందటానికి ఎస్సీ, ఎస్టీ నిరుద్యోగ విద్యార్థులకు పూర్తి ఫీజు మినహాయింపు ఉందని, ఈ అవకాశాన్ని విద్యార్థులు సద్వినియోగం చేసుకోవాలని సూచించారు. విద్యార్థులు ఆన్‌లైన్ విధానంలో అడ్మిషన్లు పొందాలని పేర్కొన్నారు.