Skip to main content

Badminton: బల్గేరియన్‌ ఓపెన్‌లో విజేతగా నిలిచిన భారతీయురాలు?

Samia Imad Farooqi

హైదరాబాద్‌ బ్యాడ్మింటన్‌ క్రీడాకారిణి సామియా ఇమాద్‌ ఫారూఖీ అక్టోబర్‌ 10న ముగిసిన బల్గేరియన్‌ ఓపెన్‌ అంతర్జాతీయ బ్యాడ్మింటన్‌ టోర్నమెంట్‌లో విజేతగా నిలిచింది. బల్గేరియా రాజధాని సోఫియా నగరంలో జరిగిన మహిళల సింగిల్స్‌ ఫైనల్లో సామియా 16–21, 21–20, 21–11తో రెండో సీడ్‌ ఒజ్గె బేరక్‌ (టర్కీ)పై గెలిచింది. పురుషుల సింగిల్స్‌ ఫైనల్లో భారత్‌కే చెందిన మీరాబా లువాంగ్‌ మైస్నమ్‌ 21–19, 7–21, 21–14తో ఐదో సీడ్‌ డానియల్‌ నికోలవ్‌ (బల్గేరియా)పై నెగ్గి టైటిల్‌ దక్కించుకున్నాడు.

భారత్‌ ఖాతాలో 30 పతకాలు

పెరూ రాజధాని లిమా నగరంలో జరిగిన ప్రపంచ జూనియర్‌ షూటింగ్‌ చాంపియన్‌షిప్‌లో భారత్‌ తొలి స్థానంలో నిలిచింది. టోర్నీలో ఏకంగా 13 స్వర్ణాలు, 11 రజతాలు, 6 కాంస్యాలతో మొత్తం 30 పతకాలు సాధించిన భారత్‌ పతకాల పట్టికలో అగ్ర స్థానంలో నిలిచింది. 20 (6 స్వర్ణాలు, 8 రజతాలు, 6 కాంస్యాలతో) పతకాలు గెలిచిన అమెరికాకు రెండో స్థానం దక్కింది.

 

అఫ్గాన్‌ జట్టు కన్సల్టెంట్‌గా ఫ్లవర్‌

టి20 ప్రపంచకప్‌లో పాల్గొనే అఫ్గానిస్తాన్‌ జట్టుకు జింబాబ్వే మాజీ కెప్టెన్, ఇంగ్లండ్‌ మాజీ కోచ్‌ ఆండీ ఫ్లవర్‌ కన్సల్టెంట్‌గా వ్యవహరించనున్నాడు. 53 ఏళ్ల ఫ్లవర్‌ 63 టెస్టులు, 213 వన్డేలు ఆడాడు. అఫ్గాన్‌ టీమ్‌కు లాన్స్‌ క్లూస్‌నర్‌ హెడ్‌ కోచ్‌గా, షాన్‌ టెయిట్‌ బౌలింగ్‌ కోచ్‌గా వ్యవహరిస్తున్నారు.
 

చ‌ద‌వండి: ప్లేయర్‌ ఆఫ్‌ ద ఇయర్‌ అవార్డుకు ఎంపికైన హాకీ క్రీడాకారిణి?

క్విక్‌ రివ్యూ   :
ఏమిటి    :
బల్గేరియన్‌ ఓపెన్‌ అంతర్జాతీయ బ్యాడ్మింటన్‌ టోర్నమెంట్‌లో విజేతగా నిలిచిన భారతీయురాలు?
ఎప్పుడు : అక్టోబర్‌ 10
ఎవరు     :  సామియా ఇమాద్‌ ఫారూఖీ
ఎక్కడ    : సోఫియా, బల్గేరియా 
ఎందుకు : మహిళల సింగిల్స్‌ ఫైనల్లో సామియా 16–21, 21–20, 21–11తో రెండో సీడ్‌ ఒజ్గె బేరక్‌ (టర్కీ)పై గెలిచినందున...

డౌన్‌లోడ్‌ చేసుకోండి: 
తాజా విద్యా సమాచారం, అన్ని రకాల పోటీ పరీక్షలకు సంబంధించిన కరెంట్‌ అఫైర్స్, స్టడీ మెటీరియల్‌తో పాటు తరగతులకు(అకాడెమిక్స్‌) సంబంధించిన స్టడీ మెటీరియల్‌ను పొందడానికి, కెరీర్‌ అవకాశాలను తెలుసుకోవడానికి సాక్షి ఎడ్యుకేషన్‌ యాప్‌ను ఇప్పుడే డౌన్‌లోడ్‌ చేసుకోండి.

యాప్‌ డౌన్‌లోడ్‌ ఇలా...
డౌన్‌లోడ్‌ వయా గూగుల్‌ ప్లేస్టోర్‌


డౌన్‌లోడ్‌ వయా ఆపిల్‌ ఐ స్టోర్‌

Published date : 14 Oct 2021 04:31PM

Photo Stories