ఐపీఎల్‌ జట్టు ఢిల్లీ క్యాపిటల్స్‌ అసిస్టెంట్‌ కోచ్‌గా భారత మాజీ పేసర్‌ అజిత్‌ అగార్కర్‌ ఎంపికయ్యాడు. హెడ్‌ కోచ్‌ రికీ పాంటింగ్‌ నేతృత్వంలోని సహాయక సిబ్బంది బృందంలో అగార్కర్‌ కూడా పని చేస్తాడని ఫిబ్రవరి 23న ఢిల్లీ యాజమాన్యం ప్రకటించింది. ఏ స్థాయిలోనైనా కోచ్‌గా వ్యవహరించడం అగార్కర్‌కు ఇదే తొలిసారి. క్యాపిటల్స్‌కు ప్రవీణ్‌ ఆమ్రే బ్యాటింగ్‌ కోచ్‌గా, హోప్స్‌ బౌలింగ్‌ కోచ్‌గా వ్యవహరిస్తున్నారు. అగార్కర్‌ ఎంపికను ప్రకటించడంతో ఇప్పటి వరకు అసిస్టెంట్‌ కోచ్‌లుగా పని చేసిన కైఫ్, అజయ్‌ రాత్రాలతో ఒప్పందం రద్దయినట్లు స్పష్టమైంది.
1998– 2007 మధ్య కాలంలో భారత్‌కు ప్రాతినిధ్యం వహించిన అగార్కర్‌ 26 టెస్టుల్లో 58 వికెట్లు, 191 వన్డేల్లో 288 వికెట్లు తీశాడు. 2007 టి20 ప్రపంచకప్‌ గెలిచిన జట్టులో సభ్యుడైన అతను ఐపీఎల్‌లో కోల్‌కతా నైట్‌రైడర్స్, ఢిల్లీ డేర్‌డెవిల్స్‌ జట్ల తరఫున ఆడాడు. ప్రస్తుతం బీసీసీఐ కామెంటేటర్‌గా ఉన్న 44 ఏళ్ల అగార్కర్‌ శ్రీలంకతో సిరీస్‌ ముగిసిన తర్వాత ఢిల్లీ టీమ్‌తో కలుస్తాడు.
చ‌ద‌వండి: ప్రపంచ నంబర్‌వన్‌ కార్ల్‌సన్‌పై గెలుపొందిన భారతీయుడు?
క్విక్‌ రివ్యూ :
ఏమిటి : ఐపీఎల్‌ జట్టు ఢిల్లీ క్యాపిటల్స్‌ అసిస్టెంట్‌ కోచ్‌గా ఎంపిక
ఎప్పుడు : ఫిబ్రవరి 23
ఎవరు : భారత మాజీ పేసర్‌ అజిత్‌ అగార్కర్‌
ఎందుకు : ఐపీఎల్‌ జట్టు ఢిల్లీ క్యాపిటల్స్‌ నిర్ణయం మేరకు..
డౌన్‌లోడ్‌ చేసుకోండి:
తాజా విద్యా సమాచారం, అన్ని రకాల పోటీ పరీక్షలకు సంబంధించిన కరెంట్ అఫైర్స్, స్టడీ మెటీరియల్‌తో పాటు తరగతులకు(అకాడెమిక్స్‌) సంబంధించిన స్టడీ మెటీరియల్‌ను పొందడానికి, కెరీర్‌ అవకాశాలను తెలుసుకోవడానికి సాక్షి ఎడ్యుకేషన్‌ యాప్‌ను ఇప్పుడే డౌన్‌లోడ్‌ చేసుకోండి.
యాప్‌ డౌన్‌లోడ్‌ ఇలా...
డౌన్‌లోడ్‌ వయా గూగుల్‌ ప్లేస్టోర్‌
More Articles
Most Read
