Seoul Open Tennis: సాకేత్‌–రామ్‌కుమార్‌ జోడీకి సియోల్‌ ఓపెన్‌ డబుల్స్‌ టైటిల్

Sakshi Education

దక్షిణకొరియాలో న‌వంబ‌ర్ 3వ తేదీ ముగిసిన సియోల్‌ ఓపెన్‌ ఏటీపీ చాలెంజర్‌–100 టోర్నీలో సాకేత్ మైనేని–రామ్‌కుమార్‌ రామనాథన్‌ (భారత్‌) జోడీ పురుషుల డబుల్స్‌ టైటిల్‌ను దక్కించుకుంది.

Saket Maineni and Ramkumar Ramanathan celebrate victory at Seoul Open ATP Challenger-100. Seoul Open 2024 Tennis: India’s Saketh Myneni and Ramkumar Ramanathan win doubles title in South Korea

ఫైనల్లో సాకేత్‌(ఆంధ్రప్రదేశ్‌ టెన్నిస్‌ స్టార్)–రామ్‌కుమార్‌ ద్వయం 6–4, 4–6, 10–3తో ‘సూపర్‌ టైబ్రేక్‌’లో వాసిల్‌ కిర్కోవ్‌ (అమెరికా)–బార్ట్‌ స్టీవెన్స్‌ (నెదర్లాండ్స్‌) జోడీపై నెగ్గింది.

సాకేత్‌–రామ్‌కుమార్‌ జంటకు 7,580 డాలర్ల (రూ.6 లక్షల 37 వేలు) ప్రైజ్‌మనీతో పాటు 100 ర్యాంకింగ్‌ పాయింట్లు లభించాయి. ఓవరాల్‌గా ఈ ఏడాది సాకేత్‌–రామ్‌మూడో ఏటీపీ చాలెంజర్‌ డబుల్స్‌ టైటిల్‌ను గెల్చుకున్నారు.

ఈ సంవత్సరం ఫిబ్రవరిలో ఈ ఇద్దరు బెంగళూరు ఓపెన్, చెన్నై ఓపెన్‌ టోర్నీల్లో విజేతలుగా నిలిచారు. ఓవరాల్‌గా సాకేత్‌ కెరీర్‌లో ఇది 19వ ఏటీపీ చాలెంజర్‌ డబుల్స్‌ టైటిల్‌. ఏటీపీ చాలెంజర్‌ టోర్నీలు కాకుండా సాకేత్‌ మరో 19 ఐటీఎఫ్‌ టోర్నీ డబుల్స్‌ టైటిల్స్‌ కూడా గెలిచాడు.

Commonwealth Games: కామన్వెల్త్‌ క్రీడల నుంచి హాకీ, రెజ్లింగ్, బ్యాడ్మింటన్‌ సహా 9 క్రీడాంశాలు తొలగింపు!!

Published date : 04 Nov 2024 03:45PM