అంతరిక్ష రంగంలో భాగస్వామ్య పక్షాలకు సహకారం అందించేందుకు ఉద్దేశించిన భారత అంతరిక్ష సంఘం(ఇండియన్‌ స్పేస్‌ అసోసియేషన్‌–ఐఎస్‌పీఏ) ప్రారంభమైంది. ప్రధాని నరేంద్ర మోదీ అక్టోబర్‌ 11న న్యూఢిల్లీ నుంచి వీడియోకాన్ఫరెన్స్‌ ద్వారా ఐఎస్‌పీఏను ప్రారంభించి, ప్రసంగించారు. అంతరిక్ష రంగం ప్రభుత్వ రంగానికి పర్యాయపదంగా మారిందని, ఈ పరిస్థితిని మార్చాల్సిన అవసరం ఉందని ఈ సందర్భంగా మోదీ అన్నారు. ఐఎస్‌పీఏ అనేది అంతరిక్ష, ఉపగ్రహ సంబంధిత అగ్రశ్రేణి పరిశ్రమల సంఘం. ఇందులో ఎల్‌ అండ్‌ టీ, నెల్కో(టాటా గ్రూప్‌), వన్‌ వెబ్, భారతీ ఎయిర్టెల్, మ్యాప్‌మైఇండియా, వాల్‌చంద్‌నగర్‌ ఇండస్ట్రీస్, అనంత్‌ టెక్నాలజీ లిమిటెడ్ సంస్థలు వ్యవస్థాపక సభ్యులుగా ఉన్నాయి. గోద్రేజ్, హ్యూస్‌ ఇండియా, అజిస్టా–బీఎస్‌టీ ఏరోస్పేస్‌ ప్రైవేటు లిమిటెడ్, బీఈఎల్, సెంటమ్‌ ఎలక్ట్రానిక్స్, మాక్సర్‌ ఇండియా కోర్‌ సభ్యులుగా ఉన్నాయి.
తొలి చైర్మన్‌గా జయంత్‌ పాటిల్‌...
ఐఎస్‌పీఏ తొలి చైర్మన్‌గా ఎల్‌అండ్‌టీ సీనియర్‌ ఈవీపీ జయంత్‌ పాటిల్‌ చైర్మన్‌గాను, భారతి ఎయిర్టెల్ చీఫ్‌ రెగ్యులేటరీ ఆఫీసర్‌ రాహుల్‌ వత్స్‌ వైస్‌ చైర్మన్‌గాను వ్యవహరిస్తారు.
చ‌ద‌వండి: చామరాజనగర మెడికల్‌ ఆస్పత్రిని ఏ రాష్ట్రంలో ప్రారంభించారు?
క్విక్‌ రివ్యూ :
ఏమిటి : భారత అంతరిక్ష సంఘం(ఇండియన్‌ స్పేస్‌ అసోసియేషన్‌–ఐఎస్‌పీఏ)
ఎప్పుడు : అక్టోబర్‌ 11
ఎవరు : ప్రధానమంత్రి నరేంద్ర మోదీ
ఎందుకు : అంతరిక్ష రంగంలో భాగస్వామ్య పక్షాలకు సహకారం అందించేందుకు...
డౌన్‌లోడ్‌ చేసుకోండి:
తాజా విద్యా సమాచారం, అన్ని రకాల పోటీ పరీక్షలకు సంబంధించిన కరెంట్ అఫైర్స్, స్టడీ మెటీరియల్‌తో పాటు తరగతులకు(అకాడెమిక్స్‌) సంబంధించిన స్టడీ మెటీరియల్‌ను పొందడానికి, కెరీర్‌ అవకాశాలను తెలుసుకోవడానికి సాక్షి ఎడ్యుకేషన్‌ యాప్‌ను ఇప్పుడే డౌన్‌లోడ్‌ చేసుకోండి.
యాప్‌ డౌన్‌లోడ్‌ ఇలా...
డౌన్‌లోడ్‌ వయా గూగుల్‌ ప్లేస్టోర్‌
More Articles
Most Read
