కేంద్ర ప్రభుత్వ ఉద్యోగులకు కరువు భత్యాన్ని (డీఏ), పెన్షనర్లకు కరువు సహాయాన్ని (డీఆర్‌) బేసిక్‌ పే/పెన్షన్‌పై మరో 4 శాతం పెంచారు. ప్రస్తుతం 46 శాతంగా ఉన్న డీఏ/డీఆర్‌ తాజా పెంపుతో 50 శాతానికి చేరింది. ఈ పెంచిన భత్యం ఈ ఏడాది జనవరి 1 నుంచే అమల్లోకి వస్తుంది. దీనివల్ల కోటి మందికిపైగా ఉద్యోగులకు, పెన్షనర్లకు లబ్ధి చేకూరుతుంది. ప్ర‌స్తుతం ధరలు పెరగడంతో ఉద్యోగులకు, పెన్షనర్లకు డీఏను పెంచినట్లు కేంద్ర మంత్రి పీయూష్‌ గోయల్ అన్నారు. ఈ పెంపు వల్ల ఖజానాపై ప్రతి సంవ‌త్స‌రం రూ.12,869 కోట్ల భారం పడుతుందని తెలిపారు.

కీలక అంశాలు..

• డీఏ/డీఆర్‌ 4 శాతం పెంపు (46% నుండి 50% కి)
• అమలు తేదీ: 2024 జనవరి 1
• లబ్ధిదారులు: కోటి మందికిపైగా ఉద్యోగులు, పెన్షనర్లు
• ఖజానాపై భారం:
  • ఏటా: రూ.12,869 కోట్లు
  • 2024 జనవరి నుండి 2025 ఫిబ్రవరి వరకు: రూ.15,014 కోట్లు
• డీఏ పెంపుతో ఇతర భత్యాలు, గ్రాట్యుటీ కూడా పెరుగుతాయి.
• డీఏ/డీఆర్‌ పెంపు ఏడో కేంద్ర వేతన కమిషన్‌ సిఫార్సుల ప్రకారం.

AI Mission: కేంద్రం కీలక నిర్ణయం.. ఏఐ కోసం రూ.వేల కోట్లు!!