AUKUS, Security Alliance: ఆకస్ కూటమిలో ఎన్ని దేశాలు సభ్యత్వం కలిగి ఉన్నాయి?
Sakshi Education
![AUKUS](/sites/default/files/images/2021/09/24/aukus-1632488702.jpg)
ఆస్ట్రేలియా, యూకేలతో కలిసి ఏర్పాటు చేసిన త్రైపాక్షిక రక్షణ కూటమి(ఆకస్–ఆస్ట్రేలియా, యూకే, యూఎస్ఏ)లో భారత్, జపాన్, ఫ్రాన్స్లను చేర్చుకోబోమని సెప్టెంబర్ 23న అమెరికా తెలిపింది. వ్యూహాత్మకంగా కీలకమైన ఇండో –పసిఫిక్ ప్రాంతంలో 21వ శతాబ్దంలో ఎదురయ్యే భద్రతాపరమైన సవాళ్లను ఎదుర్కొనేందుకు త్రైపాక్షిక కూటమి (ఆకస్)ను ఏర్పాటు చేస్తున్నట్లు అమెరికా అధ్యక్షుడు జో బైడెన్, ఆస్ట్రేలియా ప్రధాని స్కాట్ మోరిసన్, యూకే ప్రధాని బోరిస్ జాన్సన్లు సెప్టెంబర్ 15వ తేదీన సంయుక్తంగా ప్రకటించారు. ఇండో–పసిఫిక్ ప్రాంతంలో చైనా దూకుడును నిలువరించడమే ఈ కూటమి ప్రధాన లక్ష్యం. ఇందులో భాగంగా అమెరికా మొదటిసారిగా ఆస్ట్రేలియాకు అణు జలాంతర్గాములను సమకూర్చనుంది.
Published date : 24 Sep 2021 06:35PM