టర్కీ దేశం అధికారికంగా తన పేరు మార్చుకుంది. టర్కీ.. ఇక నుంచి ‘తుర్కియె’గా మారనుంది. కొత్త పేరుతో తమను గుర్తించాలని ఐక్యరాజ్యసమితికి టర్కీ విదేశాంగ మంత్రిత్వశాఖ ప్రతిపాదన పంపింది.ఆ వెంటనే ఐరాస అంగీకారం చెబుతూ.. ఈ విషయాన్ని ప్రకటించింది. టర్కీ అధ్యక్షుడు ఎర్డోగన్ తమ దేశం పేరును తుర్కియె(Turkiye)గా పిలవాలని ప్రపంచ దేశాలను కోరుతున్నారు. తుర్కుల సంస్కృతి, సంప్రదాయాలు, నాగరికత, విలువలకు తుర్కియె అనే పదం చక్కగా నప్పుతుందని ఆయన పేర్కొంటున్నారు.