Chamoli-Pithorgarh Road: దగ్గరకానున్న చైనా సరిహద్దు.. 500 కి.మీ. నుంచి 80 కి.మీ.కు తగ్గనున్న రోడ్డు..

ఈ లక్ష్యంతో చమోలీలోని లాప్తాల్ నుంచి పితోర్‌గఢ్ వరకు కొత్త రహదారి నిర్మాణం ప్రారంభమైంది.

2028 నాటికి ఈ రహదారి పూర్తి కానుంది. ఇది చమోలీ నుంచి పితోర్‌గఢ్‌కు ప్రయాణ దూరాన్ని 500 కిలోమీటర్ల నుంచి 80 కిలోమీటర్లకు తగ్గిస్తుంది. ఈ కొత్త మార్గం నీతి లోయ గుండా వెళుతుంది. ఇక్కడ చివరి గ్రామం నీతి సమీపంలోనే చైనా సరిహద్దు ప్రారంభమవుతుంది. ఈ ప్రాంతంలోనే భారత సైన్యం, ఐటీబీపీ ముందుగా నిలిచిన స్థావరాలు ఉన్నాయి.

కఠినమైన వాతావరణం, ప్రతికూల భౌగోళిక పరిస్థితులను అధిగమిస్తూ, బోర్డర్ రోడ్స్ ఆర్గనైజేషన్(BRO) కార్మికులు ఈ ప్రాంతంలో సుమారు 40 కిలోమీటర్ల రహదారి కోసం కొండను క్షేత్రస్థాయిలో కట్ చేస్తున్నారు. సీనియర్ అధికారుల ప్రకారం, లాప్తాల్ నుంచి మిలాం వరకు రోడ్డు కటింగ్ పనులు మూడు నెలల విరామం తర్వాత మళ్లీ ప్రారంభమయ్యాయి.

Unhealthy Air: ప్రపంచంలోనే అనారోగ్యకరమైన గాలి ఉన్న నగరాల్లో అగ్రస్థానంలో ఉన్న‌దిదే..

చైనా తరచుగా ఈ సరిహద్దు ప్రాంతంలో చొరబాటులకు పాల్పడుతుండడంతో, భారత ప్రభుత్వం ఈ ప్రాంతానికి ప్రాధాన్యత ఇస్తోంది. రహదారి నిర్మాణంతో పాటు లాప్తాల్ నుంచి మిలామ్, పితోర్‌గఢ్ వరకు 30 కిలోమీటర్ల పొడవైన సొరంగ నిర్మాణానికి కూడా ప్రభుత్వం ప్రణాళికలు వేస్తోంది. ఈ సొరంగం నిర్మాణం జోహార్ లోయను చమోలీతో అనుసంధానిస్తుంది. ఇది పర్యాటకాన్ని పెంపొందించడంలో సహాయపడుతుందని భావిస్తున్నారు.