ప్రపంచంలో అత్యధిక శబ్ద కాలుష్యం ఉన్న నగరాల్లో బంగ్లాదేశ్ రాజధాని ఢాకా మొదటి స్థానంలో నిలిచింది. ప్రపంచ ఆరోగ్య సంస్థ అనుమతించిన శబ్ద తీవ్రత కేవలం 55 డెసిబుల్స్‌(డీబీ) కాగా ఢాకాలో ఇది ఏకంగా 119 ఉంది. ఢాకా తర్వాత ఉత్తరప్రదేశ్‌లోని మొరాదాబాద్‌ పట్టణం 114 డెసిబుల్స్‌తో ప్రపంచంలోనే రెండో స్థానంలో ఉంది. ప్రపంచవ్యాప్తంగా పలు నగరాల్లో శబ్ద కాలుష్యం తీవ్రతను వెల్లడిస్తూ యునైటెడ్‌ నేషన్స్‌ ఎన్విరాన్‌మెంట్‌ ప్రోగ్రామ్‌(యూఎన్‌ఈపీ) తాజాగా విడుదల చేసిన ఆన్యువల్‌ ఫ్రాంటియర్‌ రిపోర్ట్‌–2022(Annual Frontier Report-2022)లో ఈ విషయాలు వెల్లడయ్యాయి.
Russia-Ukraine War: అమెరికా, ఈయూ మధ్య కుదిరిన వ్యూహాత్మక ఒప్పంద ఉద్దేశం?
యూఎన్‌ఈపీ నివేదికలోని ముఖ్యాంశాలు..
- శబ్ద కాలుష్యం బెడద దక్షిణాసియాలోనే అధికంగా ఉంది. బంగ్లాదేశ్, భారత్, పాకిస్తాన్, శ్రీలంక, నేపాల్‌లో పరిమితికి మించి నమోదవుతోంది.
- డబ్ల్యూహెచ్‌ఓ మార్గదర్శకాల ప్రకారం శబ్ద తీవ్రత నివాస ప్రాంతాల్లో 55 డీబీ, వాణిజ్య ప్రాంతాల్లో 70 డీబీ దాకా ఉండొచ్చు. అంతకు మించిన శబ్దాన్ని ఎక్కువ సేపు వింటే వినికిడి శక్తి పోయే ప్రమాదముంది.
- శబ్ద కాలుష్యం మనుషుల భౌతిక, మానసిక ఆరోగ్యంపై ప్రతికూల ప్రభావం చూపుతుంది.
- న్యూయార్క్‌లో ప్రజా రవాణా వ్యవస్థను ఉపయోగించే వారిలో ప్రతి 10 మందిలో 9 మంది శబ్ద కాలుష్యానికి గురవుతున్నారు. హాంకాంగ్‌లో ప్రతి ఐదుగురిలో ఇద్దరిది ఇదే పరిస్థితి.
- యూరప్‌లో అతిపెద్ద నగరాల పౌరుల్లో సగం మంది శబ్ద కాలుష్య బాధితులే.
- ట్రాఫిక్‌ రణగొణ ధ్వనుల కారణంగా కొన్ని సిటీల్లో పక్షులు తమ కూత సమయాన్ని కూడా మార్చుకుంటున్నట్లు నిపుణులు గుర్తించారు.
|
అత్యధిక శబ్ద కాలుష్యం ఉన్న మొదటి 15 నగరాలు |
|
|
నగరం |
శబ్దం(డెసిబుల్స్‌) |
|
ఢాకా (బంగ్లాదేశ్) |
119 |
|
మొరాదాబాద్‌ (భారత్) |
114 |
|
ఇస్లామాబాద్‌ (పాకిస్తాన్) |
105 |
|
రాజ్‌షాహీ (బంగ్లాదేశ్) |
103 |
|
హోచిమిన్‌ (వియత్నాం) |
103 |
|
ఇబాదన్‌ (నైజీరియా) |
101 |
|
కుపోండోల్‌ (నేపాల్‌) |
100 |
|
అల్జీర్స్‌ (అల్జీరియా) |
100 |
|
బ్యాంకాక్‌ (థాయ్‌లాండ్‌) |
99 |
|
న్యూయార్క్‌ (అమెరికా) |
95 |
|
డెమాస్కస్‌ (సిరియా) |
94 |
|
మనీలా (ఫిలిప్పీన్స్‌) |
92 |
|
హాంకాంగ్‌ (చైనా) |
89 |
|
కోల్‌కతా (ఇండియా) |
89 |
|
అసన్‌సోల్‌ (ఇండియా) |
89 |
Russia-Ukraine War: జీ7, నాటో చర్చలకు ఆథిత్యం ఇస్తోన్న నగరం?
క్విక్‌ రివ్యూ :
ఏమిటి : అత్యధిక శబ్ద కాలుష్యం ఉన్న నగరాల్లో బంగ్లాదేశ్ రాజధాని ఢాకా మొదటి స్థానంలో ఉంది.
ఎప్పుడు : మార్చి 27
ఎవరు : యునైటెడ్‌ నేషన్స్‌ ఎన్విరాన్‌మెంట్‌ ప్రోగ్రామ్‌(యూఎన్‌ఈపీ)
ఎక్కడ : ప్రపంచంలో..
డౌన్‌లోడ్‌ చేసుకోండి:
తాజా విద్యా సమాచారం, అన్ని రకాల పోటీ పరీక్షలకు సంబంధించిన కరెంట్ అఫైర్స్, స్టడీ మెటీరియల్‌తో పాటు తరగతులకు(అకాడెమిక్స్‌) సంబంధించిన స్టడీ మెటీరియల్‌ను పొందడానికి, కెరీర్‌ అవకాశాలను తెలుసుకోవడానికి సాక్షి ఎడ్యుకేషన్‌ యాప్‌ను ఇప్పుడే డౌన్‌లోడ్‌ చేసుకోండి.
యాప్‌ డౌన్‌లోడ్‌ ఇలా..
డౌన్‌లోడ్‌ వయా గూగుల్‌ ప్లేస్టోర్‌
More Articles
Most Read
